Yashyizweho kuri12 July, 2017 | 06:43

NGOMA: Abagore bakanguriwe kwirinda ibihuha

Mugihe mu Rwanda hitegurwa amatora y’umukuru w’igihugu azaba taliki 03 kanama ku abanyarwanda baba hanze y’igihugu ndetse na taliki 04 kanama kubanyarwanda bari mu gihugu,abari n’abategarugori cg ba mutima w’urugo bo mu karere ka ngoma uwo munsi bawuhaye izina ry’ubukwe kuko imyiteguro ndetse n’imyambarire ntaho izaba itandukaniye n’ubukwe busanzwe.

Hari mu nteko ya CNF aho Abari n’abategarugori bagize ihuriro ry’inama y’igihugu y’abagore ku rwego rw’akarere ka ngoma, bari bavuye ku rwego rw’akagali ndetse n’umurenge bigize akarere, bibukijwe italiki y’amatora, no kuzayagiramo uruhare rukomeye nkaba mutima w’urugo ndetse no kwirinda ibihuha usanga ari byinshi mugihe cy’amatora.

Gusa kuri bo bimwe mubikorwa bizatuma amatora agenda neza bamaze kubishyira k’umurongo ndetse n’ibizacyerwa byose birateguye.nk’uwitwa Narame Hycente nka mutima w’urugo ashimangira ko, kuri uwo munsi azahaserukana umucyo ari kumwe n’uwo bashakanye,agira ati”Nkatwe nka ba mutima w’urugo ,twagiye twumva byinshi kandi twaganirijwe byinshi mu kuyategura kandi natwe tukayagiramo uruhare. tukitegura neza ,. Tugacyenyera, abagabo bacu tukabambika amakote,tukabategura mbese kuburyo amatora azagenda neza kandi tugakora ubwihugiko tukabutegura neza , twakoze amadekorasiyo…., kuburyo amatora yacu azaba ameze nk’ubukwe”. Asoza avuga ko hari uruhare bagiye kugira, bafatanyije na police mu kubungabunga umutekano kuko udahari amatora ntiyagenda neza.

JPEG - 87.2 kb
ijambo Umuhuza bikorwa wa CNF ku rwego rw’intara y’iburasirazuba Madamu Jovia Uwamahoro

Mu’ijambo umuhuza bikorwa wa CNF ku rwego rw’intara y’iburasirazuba Madamu Jovia Uwamahoro wari umushyitsi mukuru yagejeje ku bari n’abategarugori bari bitabiriye iyo nteko, yabibukije ko, nk’abagore bagoma guhaguruka bakagira icyo bagaragaza mu iterambere ry’igihugu ndetse n’akarere muri rusange banatekereza ku ngaruka mbi zibaho igihe nta tora ryiza ryakozwe agira ati”Abagore ni muhaguruke tugaragaze uruhare rwacu mu’iterambere ry’iki gihugu, mu iterambere ry’aka karere ,mu iterambere ry’umurenge, mu iterambere ry’akagali utuyemo ndetse n’umudugudu utuyemo” Yongeraho kandi ko iryo terambere rizagaragazwa n’ubukwe biteguye, batora neza kugirango birinde ingaruka mbi ziterwa no gutora nabi kuko akenshi zibasira cyane cyane abagore n’abana.

Asoza abibutsa ko taliki ya 14 uku kwezi aricyo gihe cyo gutangira kwiyamamaza k’umugaragaro, ku abahatanira umwanya wa Perezida wa Repubulika y’u Rwanda mu matora ateganyijwe kuri taliki ya 03 kanama ku abanyarwanda batari mu gihugu ndetse na taliki 04 kanama kubari mu gihugu.

JPEG - 144.8 kb
Abategarugori bagize ihuriro ry’inama y’igihugu y’abagore ku rwego rw’akarere ka Ngoma, bari bavuye ku rwego rw’akagali

Yanditswe na HABARUREMA Djamali/ MUHABURA.rw


Tanga igitecyerezo

Amazina
Ubutumwa

1 Comment

Tom - 4 months ago

Traditionally sturdy teams, solely Italy Is a stubborn minority who belong to native brands
Puma In the final game, is that they received a victory in the ultimate beat Puma Adidas France.

Also visit my weblog ... yeezy boost 350

Izindi nkuru