Yashyizweho kuri11 October, 2016 | 15:18

Munyakazi imbere y’umucamanza yihakanye umushinjacyaha

Munyakazi uherutse koherezwa na USA kuburanira mu Rwanda, kuri uyu wa 11 Ukwakira yagejejwe imbere y’urukiko rw’ibanze rwa Nyarugunga kugira ngo aburanishwe ku ifunga n’ifungurwa ry’agateganyo. Amaze kumva ibirego aregwa n’ubushinjacyaha yahise avuga ko ibyari bivuzwe binyuranye n’ukuri, yita umushinjacyaha ‘Umushinjabinyoma’.

Uyu mugabo wavugaga mu ijwi riri hejuru cyane, yabanje gusaba urukiko ko ibivugirwa mu rukiko bifatwa n’ibyuma by’abazungu, ko nibidakorwa ntacyo ari buze kuvuga.

Akurikiranyweho ibyaha bitanu: icyaha cya jenoside, icyo gukangurira abantu gukora jenoside, icyaha cy’ubwicanyi nk’icyaha kibasiye inyokomuntu n’icyaha cyo guhakana jenoside

Ubushinjacyaha buvuga ko ibyaha yabikoreye mu cyahoze ari Komini Kayenzi (Kamonyi) muri, serire ya Gitwa muri Segiteri ya Kirwa, aho yitabiriye inama kuwa 19 Mata 1994 akanayivugiramo ijambo rihamagarira Abahutu kurimbura Abatutsi.

Buvuga ko abatangabuhamya barimo abakoranye na we ibyaha ndetse babihamijwe n’inkiko ko yagenzuraga ubwicanyi aho i Kayenzi.

Yanditswe na Ubwanditsi/Muhabura.rw


Tanga igitecyerezo

Amazina
Ubutumwa

2 Comments

Bobo - 5 months ago

Nikose ye byari byiza kutumenyesha ton y ijwi Munyakazi mu rukiko, ariko se ubu umutwe w inkuru mwanditse na content yayo bihuriyehe koko. Abandi basomyi mwamfasha mukambwira niba hari ahanditse ko yihakanye umushinjacyaha. Niba kandi ubwanditsi bwikosore.

Bobo - 5 months ago

Nikose ye byari byiza kutumenyesha ton y ijwi Munyakazi mu rukiko, ariko se ubu umutwe w inkuru mwanditse na content yayo bihuriyehe koko. Abandi basomyi mwamfasha mukambwira niba hari ahanditse ko yihakanye umushinjacyaha. Niba kandi ubwanditsi bwikosore

Izindi nkuru