Yashyizweho kuri6 December, 2016 | 20:59

Minisitiri w’Intebe Anastaze Murekezi yahaye aba bashinjacyaha impanuro

Minisitiri w’Intebe Anastaze Murekezi yasabye ubushinjacyaha bw’u Rwanda ko bukwiye gushyira imbaraga mu gukurikirana uwo ariwe wese ugaragayeho gukoresha nabi iby’abaturage, imanza z’abo bantu zikihuta.

Minisitiri w’Intebe yabivuze mu irahira ry’abashinjacyaha bane, barimo batatu bo ku rwego rwisumbuye n’umwe wo ku rwego rw’ibanze.

Mu mpanuro Minisitiri Murekezi yahaye aba bashinjacyaha, yabasye ko kuba baremejwe n’inama y’abaminisitiri ari ukubera ko bari bagize amanota meza kurusha abandi, bityo bagomba no gukoresha ubwo buhanga bwabo mu gukemura ibibazo.

Mu butumwa yatanze yagize ati “Aya ni amasezerano akomeye mugiranye n’abanyarwanda, murasabwa kuba inyangamugayo mu byo mukora, hari amadosiye mugomba guha agaciro cyane, hari abarigisa umutungo wa leta, abawugambanira bakora muri leta n’abandi bagomba gukurikiranwa, ubu harimo kunozwa ubugorangingo mu mategeko yacu bwatuma imitungo y’abo banyereza imitungo y’abaturage, imitungo yabo yajya ihita ifatirwa ikazagurishwa mu gihe bahamwe n’icyaha.”

Minisitiri w’Intebe Anastaze Murekezi,kandi yavugaze ko ubu harimo no kunozwa uburyo igihano cyo gufunga kitajya kiba nk’aho aricyo cyonyine cyakoreshwa ku wakoze iki cyaha, ko ahubwo hajya habaho n’uko aba bantu bajya bakora imirimo nsimburagifungo.

yakomeje avugako ibi bizagabanya ibyaha kuri buri basore n’inkumi bajyaga mu byaha , asaba minisiteri y’ubutabera n’abandi ko iyo ngingo bazayitaho ku buryo bwihuse kandi bikanozwa neza.

Uretse iki kibazo minisitiri w’Intebe yasabye ko aba bashinjacyaha bakwita no ku bibazo bijyanye no gukurikirana amadosiye arebana na Jenoside yakorewe Abatutsi, ku buryo abayigizemo uruhare baba Abanyarwanda n’abanyamahanga, bose babazwa ibyo bakoze bakaregwa mu nkiko z’u Rwanda n’izo mu bindi bihugu.

Yanditswe na Ubwanditsi/MUHABURA.RW


Tanga igitecyerezo

Amazina
Ubutumwa

2 Comments

yowasi muganji / John Carlos - 4 months ago

ndi Kampala Uganda
We’re together thank you so much. and support radio. just we thanks tha service
l great my friends:
dukunane sayeri- ilemera
tsiyeli. ilemera
Dukuze nabambeyi. nabandibosebanzi . I love dam.

yowasi muganji / John Carlos - 4 months ago

ndi Kampala Uganda
We’re together thank you so much. and support radio. just we thanks tha service
l great my friends:
dukunane sayeri- ilemera
tsiyeli. ilemera
Dukuze nabambeyi. nabandibosebanzi . I love dam.

Izindi nkuru