Yashyizweho kuri9 January, 2017 | 09:57

MINEDUC: Iratangaza amanota y’ibizamini bya Leta by’amashuri yisumbuye n’ikiciro rusange

Minisiteri y’Uburezi (MINEDUC) yashyize hanze ingengabihe y’amashuri muri uyu mwaka w’amashuri wa 2017. Harabura iminsi micye ngo igihembwe cya mbere gitangire.

Igihembwe cya mbere kiratangira ku itariki 23 Mutarama, kizasoze tariki 31 Werurwe 2017, ni ibyumweru 10. Abanyeshuri bazafata ikiruhuko cy’ibyumweru bibiri hagati y’itariki 01 – 16 Mata, bivuze ko abanyeshuri bazifatanya n’abandi Banyarwanda mu kwibuka ku nshuro ya 23 abazize Jenoside yakorewe Abatutsi bari mungo iwabo.

Igihembwe cya kabiri kizatangira ku itariki 17 Mata, kizasoze tariki 29 Nyakanga 2017, ni ibyumweru 15. Ikiruhuko cy’igihembwe cya kabiri nacyo kizamara ibyumweru bibiri, hagati y’itariki 30 Nyakanga – 13 Kanama 2017.

Abanyashuri bagejeje imyaka yo gutora, bazitabira amatora ya Perezida wa Repubulika azaba ku matariki 04 Kanama bari mungo iwabo.

Naho, igihembwe cya gatatu kizatangira tariki 14 Kanama, kizarangire tariki 18 Ugushyingo 2017.

Ibizamini bya Leta kubasoza amashuri abanza bizama ku matariki 15 – 17 Ugushyingo 2017. Naho, ibizamini bisoza icyiciro rusange (O Level), n’abasoza icyiciro cya kabiri cy’amashuri y’isumbuye (A2) bizakorwa ku matariki 20 Ugushyingo, bisozwe tariki 01 Ukuboza 2017.

Kuri uyu wa mbere tariki 09 Mutarama 2017, ku isaha ya Saa yine z’igitondo (10 AM), MINEDUC iratangaza amanota y’ibizamini bisoza amashuri abanza n’icyiciro rusange 2016. Azashyirwa ahagaragara kuwa mbere.

Yanditswe na Ubwanditsi/MUHABURA.RW


Tanga igitecyerezo

Amazina
Ubutumwa

1 Comment

Akim sibomana - 11 January

Abanyeshuri bagenzibacu baravuga ko ".kuberayuko abakobwa batsinze cyane kurusha abahungu" none abahungu bagize ubwoba ko mufatira kuri 45 nkatwe abanyeshuri ba o’level bishobotse mwakegez’imbere ayifatizo kuberayuko bigiye kuba ubwambere tunganya nabakobwa murakoze

Izindi nkuru