Yashyizweho kuri10 October, 2019 | 14:54

U Rwanda rwasinyanye amasezerano n’ikigo cy’Abayapani kije gukemura ibibazo by’inkuba zibasira ibikoresho by’ikoranabuhanga

Ikigo cy’Abayapani kitwa OTOWA Electronics Co. Ltd cyasinyanye amasezerano y’ubufatanye n’Urwego Ngenzuramikorere, RURA, azasiga bimwe mu bice by’igihugu bishyiriweho uburyo bwo kurinda inkuba hakoreshejwe ikoranabuhanga.

Aya masezerano yashyizweho umukono kuri uyu wa Gatatu tariki 9 Ukwakira 2019,hagati ya RURA n’iki kigo cy’Aabayapani gifite ikoranabuhanga ryo kurinda abaturage n’ibikorwaremezo inkuba, cyane cyane iby’ikoranabuhanga.

Ku ikubitiro iri koranabuhanga rizakoreshwa mu Karere ka Rutsiro ahakunze kwibasirwa n’inkuba, kuri Mont Kigali ndetse no ku nzu nshya izakoreramo RURA iri mu Kiyovu.

Ubusanzwe mu Rwanda imirindankuba ikoreshwa ari iyifata inkuba ikayohereza mu butaka,ariko kubera ko iyo nkuba igenda igahura n’insinga n’ibindi biri mu butaka ihita yongera ikazamuka igahita yangiza ibintu ahanini ibikoresho by’ikoranabuhanga.

Umuyobozi muri RURA ushinzwe ingufu isuku n’isukura, Mutware Alex ,ngo kuba ikigo cya OTAWA Group kerekanye ko kizanye ikoranabuhanga rishobora guhangana n’icyo kibazo,ariyo mpamvu bakemereye gukorana n’u Rwanda.

Ati"Ikibazo bagiye gukemura n’ikibikoresho by’ikoranabuha.Hari uburyo imirinda nkuba ihari uburyo ikora,ni uko ya nkuba ifatwa ikajyanwa mu butaka ariko kubera ko mu butaka haba harimo insinga,ya nkuba iragaruka ikica ibikoresho by’ikoranabuhanga bityo icyo nicyo kintu kisumbuye bazanye".

Akomeza agira ati "Ibikoresho bazanye ni ibirinda ya nkuba ya maze kujya mu butaka kugira ngo igagaruke yangirize ibikoresho by’ikoranabuhanga.Urebye cyane cyane nibyo bagiye kudufashamo".

Shinji Inoue,Umuyobozi Mukuru Ushinzwe ubucuruzi muri Afurika mu kigo Otawa electric Ltd Group, yavuze ko bazanye uburyo bwo gukoresha ikoranabuhanga rishobora gukemura burundu ikibazo cy’inkuba mu Rwanda.

Ati “Twamenye ko mu Rwanda hari gahunda ikomeye yo kurwanya inkuba, rero ubuyobozi bukuru bw’ikigo cyacu bwahise bwumva hari icyakorwa ari nabwo twageze hano mu myaka itatu ishize dutangiza ubu buryo ahitwa i Tumba mu Karere ka Rulindo, kandi byagenze neza ari nayo mpamvu twifuza gukomereza mu bindi bice.”

Iki kigo giteganya kuzajya gifasha abantu bose babyifuza cyangwa ikigo,gushyira ku nzu zabo iri koranabuhanga ryo kurinda inkuba.Gusa ubuyobozi ku mpande zombi ntibutangaza ibijyanye n’ingano y’amafaranga umuntu cyangwa ikigo gishobora kwishyura kugira ngo abashe guhabwa iri koranabuhanga.

Kuri ubu biteganyijwe ko mu Kigo cy’Abayapani cy’Iterambere n’Ubuhahirane, JICA, abanyarwanda bazajya bahugurwa aho biteganyijwe.Ni muri urwo rwego abakozi batanu bo muri RURA bagiye guhabwa aya masomo mu gihugu cy’Ubuyapani.

JPEG - 437.9 kb
Umuyobozi Mukuru wa RURA, Lt Col Nyirishema (ibumoso), Nagase Tomonori waturutse muri JICA na Shinji INOUE umuyobozi wa Otowa Group nyuma yo gushyira umukono ku masezerano
JPEG - 50 kb
Shinji Inoue,Umuyobozi Mukuru Ushinzwe ubucuruzi muri Afurika mu kigo Otawa electric Ltd Group

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru