Yashyizweho kuri4 December, 2018 | 13:19

Intambara y’amagambo hagati ya Tom Ndahiro na Ingabire Victoire irarimbanyije

Tom Ndahiro umushakashatsi akaba n’umusesenguzi kuri Jenoside yakorewe Abatutsi mu 1994 mu nyandiko ye,yavuze ko Ingabire Victoire adakwiye kwitwa umunyapolitiki, ko ahubwo akwiye kwitwa umugore w’ubugome.Gusa Ingabire Victoire avuga ko mu nyandiko nyinshi yasomye z’abashakashatsi ntaho yigeze abona umushakashatsi utukana.

Ibi uyu mushakashatsi yabitangaje mu nyandiko yasohoye mu kinyamakuru ku wa 24 Nzeri 2018 aho hari aho yavuze ko hari byinshi bivugwa kuri Ingabire, ariko ko hari kimwe usesengura politiki n’amateka ya vuba y’ u Rwanda,aho avuga ko uyu mugore adakwiye kwitwa umunyapolitike utavuga rumwe na Leta y’u Rwanda ahubwo akwiye kwitwa icyo ari cyo.

Ati “Icyo akwiye kwitwa(Ingabire Victoire) ni umugore ukunda ubugome”.

Avuga ko abagira uwo munyarwandakazi “Umunyapolitiki” bari mu byiciro bituruka ku mpamvu eshatu zirimo Ubujiji bw’abatamuzi, Indyandya zirengagiza ukuri zikuzi, ndetse n’Abagome bashyigikira Jenoside n’abajenosideri.

Ku byerekeranye n’abatamuzi bamumenye ari uko aje mu Rwanda agafungwa uyu mushakashatsi yavuze ko biganjemo urubyiruko.

Ati “Hari abantu benshi cyane, mu Rwanda no mu mahanga batazi abantu nk’Ingabire Victoire n’abo bakorana.Muri aba banyarwanda mvuga harimo imbaga y’urubyiruko rutabarika batangiye kwita ku izina rye ari uko aje mu Rwanda agafatwa, akaburanishwa agafungwa”.

Akomeza agira ati”Abenshi bagomba kuba batazi ko yakoranye ndetse akaba agikorana n’abayobozi bateguye bakanashyira mu bikorwa Jenoside. Jenoside ni icyaha cy’ubugome bwa politiki. Kugendera kuli iyo politiki bikaba ari ubugome”.

“Inyandiko z’abashakashatsi nyabo nasomye, nta bitutsi no gusebanya bibamo”

Mu kiganiro Ingabire Victoire yagiranye na kimwe mu bitangazamakuru hano mu Rwanda kuri uyu wa 3 Ukuboza 2018, yavuze ko amagambo ya Ndahiro nta mwanya afite muri gahunda ze cyane ko ngo atari mu bimuraje ishinga.

Yagize ati “Amagambo ya Tom Ndahiro nta mwanya afite muri gahunda zanjye. Ikinshishikaje ni ukureba no gushaka icyateza imbere igihugu cyanjye. Icyafasha Abanyarwanda kubana mu mahoro.”

Uyu munyapolitiki avuga ko ibyo Ndahiro amwandikaho abyita ubusesenguzi we abibonamo ibitutsi.

Ati “Sinzi niba icyo mwifuza ari ukumenya icyo ntekereza kucyo we yita ubusesenguzi, Inyandiko z’abashakashatsi nyabo nasomye, nta bitutsi cyangwa gusebanya bibamo.”

Ingabire Victoire avuga ko inyandiko za Ndahiro atazibona nk’inyandiko z’umushakashatsi kandi ko ntacyo yavuga ku izina uyu mugabo amwita ryo kuba ‘umugore w’ubugome’.

Ku wa Gatanu tariki ya 14 Nzeri 2018, nibwo Ingabire hamwe n’inzindi mfungwa zisaga ibihumbi bibiri, bahawe imbabazi na Perezida Kagame, barafungurwa.

Aha uyu mushakashatsi yagaragaje bamwe mu nkunda rubyino bakaba n’abajenosideri bakiriye ifungurwa ry’uyu mugore bagizwe na Claude Gatebuke uyu we atunzwe no kubeshya ko yacitse ku icumu rya Jenoside atahigwagamo, Faustin Twagiramungu,Thomas Nahimana na Gallican Gasana.

Abandi ngo ni abanyamuryango ba FDU-Inkingi bazwi barimo Justin Bahunga, Joseph Bukeye, Gaspar Musabyimana, Marcel Nzabona Sebatware, Augustin Munyaneza, Aloys Simpunga, Joseph Matata n’abandi.

Yanditswe na Habarurema Djamali


Tanga igitecyerezo

Amazina
Ubutumwa

3 Comments

klo - 1 week ago

asanti sana Ingabire.

- 1 week ago

Ingabire urimvugakuri

ericsen rwanda - 1 week ago

Kbs toms ngvndamushyigikiy iby avug

Izindi nkuru