Yashyizweho kuri21 August, 2019 | 16:56

Ingingo zigize amasezerano yashyizweho umukono hagati ya Perezida Kagame na Museveni muri Angola

Ni amasezerano agizwe n’ingingo 10 agaruka ku bibazo biri mu mubano w’u Rwanda na Uganda kuva mu 2017 kugeza ubu, birimo ibijyanye n’iyicarubozo rikorerwa Abanyarwanda ndetse n’imitwe y’iterabwoba ikorera muri iki gihugu cy’abaturanyi ishaka kugirira nabi u Rwanda.

Aya masezerano yashyiriweho umukono i Luanda muri Angola kuri uyu wa Gatatu tariki 21 Kanama 2019 mu nama yahuje abakuru b’ibihugu igamije “kunoza imikoranire no kubungabunga umutekano w’akarere.’’

Akaba yagarutse ku byemeranyijweho n’abakuru b’ibihugu by’u Rwanda, Uganda mu biganiro byanitabiriwe n’uwa Angola, João Lourenço na Félix Tshisekedi wa Repubulika Iharanira Demokarasi ya Congo ku wa 12 Nyakanga 2019.

Aya masezerano akubiyemo ibi bikurikira.

1. Impande zombi ziyemeje:

a)Kubaha ubusugire bwa buri wese n’ubw’igihugu cy’igituranyi.

b)Guhagarika ibikorwa bigamije guhungabanya urundi ruhande n’ibihugu by’ibituranyi ndetse n’ibyo gutera inkunga, guha imyitozo no kwinjiza abarwanyi mu mitwe igamije guhungabanya umutekano.

c) Kurinda no kubaha uburenganzira n’ubwisanzure bw’abaturage b’urundi ruhande batuye cyangwa banyura ku butaka bw’icyo gihugu, mu buryo bwemewe n’amategeko yacyo.

d) Gusubukura bwangu ibikorwa byambukiranya imipaka hagati y’ibihugu byombi birimo urujya n’uruza rw’abantu n’ibintu, hagamijwe iterambere n’imibereho myiza y’abaturage babyo.

e) Guteza imbere, bijyanye n’imitekerereze iganisha ku ishema rya Afurika n’ukwihuza kw’akarere, imikoranire iboneye mu ngeri zirimo politiki, umutekano, ingabo, ubucuruzi, umuco, ishoramari, binyuze mu gushyigikirana.

f) Gushyiraho Komisiyo ihuriweho n’impande zombi igamije gushyira mu bikorwa ibikubiye muri aya masezerano y’imikoranire; ikuriwe na ba Minisitiri b’Ububanyi n’Amahanga kandi irimo abaminisitiri bashinzwe umutekano n’abakuriye inzego z’ubutasi mu bihugu byombi.

g) Kumenyesha buri gihe abagize uruhare mu gufasha mu biganiro byaganishije kuri aya masezerano ibijyanye n’ishyirwa mu bikorwa ryayo.

2. Mu gusinya aya masezerano, buri ruhande ruzi neza ko ruzabibazwa mu gihe habayeho kutayubahiriza.

3. Ukutumvikana ku bijyanye no gushyira mu bikorwa aya masezerano, kuzakemurwa n’ibiganiro hagati y’impande zombi cyangwa binyuze mu bufasha bw’abafashije mu biganiro biyashyiraho.

4. Aya masezerano aratangira gushyirwa mu bikorwa akimara gushyirwaho umukono.

Chief Editor/MUHABURA.RW


Tanga igitecyerezo

Ibitekerezo


Tanga igitekerezo


6 Comments

JOHN MUSHINZIMANA - 3 weeks ago

MANA WE, ubuse koko ,byagenze neza tukabonubwisanzure, dukeneyimpinduk’igaragara, bagenzi bacu bakwiye kubaho,

ayamasezerano nimeza cyane kuko abagande na banyarwanda nabavandimwe kuva kera ntampamvu rero yokwangana - 3 weeks ago

abagande nabanyarwanda nabavandimwe kuva kuva kera ntampavu yokwangana

Habakurama - 4 weeks ago

Turashimira Présida wacu Paul Kagame uburyo yitanga mu gushakira icyateza abanyarwanda imbere. Aya masezerano ni ingenzi . Twishimiye byimazeyo abayagizemo uruhare.

Jean aime Ngarukiye - 4 weeks ago

Mbanje gushimira abakuru bibihugu by ’Angola na RDC gufasha nokugerageza guhuza abayobozi bibihugu biyombo Urwanda na Uganda gushirahamwe nogusenyera kumugozi umwe ahasigaye nahaba bayobozi gukurikiza nokubahiriza inyo bunvikanyeho kuneza yabaturage bibihugu byabo harakabaho Amahoro

px - 4 weeks ago

Aya masezerano ni meza cyane, turifuza amahoro!!

px - 4 weeks ago

Aya masezerano ni meza cyane, turifuza amahoro!!

Izindi nkuru