Yashyizweho kuri12 October, 2016 | 06:45

U Rwanda ruzungukira mu bufatanye bwatangijwe hagati ya African Virtual University na UR

Ni mu muhango wabaye kuri uyu wa 11 Ukwakira, muri kaminuzay’u Rwanda, ishami rya Nyarugenge aho kaminuza ya African Virtual University yahafunguye ikigo kizafasha abanyarwanda bize cyangwa bashaka kwiga ikoranabuhanga kongera ubumenyi bwabo, n’ubwo byabereye ahazwi nka KIST ariko, ngo ishami ry’uburezi niryo rizibanda ku mikoranire n’iki kigo.

Mu cyumba gishya cyatashywe, Dr Nduwingoma Mathias uhagarariye iki kigo (CEO) cya AVU muri UR, yasobanuriye abanyamakuru ko kiriya kigo kizafasha kuzamura umubare w’Abanyarwanda bize bijyanye na gahunda ya leta yo kubaka ubukungu bushingiye ku baturage bafite ubumenyi by’umwihariko koranabuhanga. Ni mu gihe kandi ngo u Rwanda rufite ibikoresho byose bikenewe kugira ngo abanyeshuri n’abarimu bazige neza bityo umusaruro wari utegerejwe uzagerweho.

Iyi Kaminuza ikorana na Banki y’Iterambere ya Africa, izakoresha icyongereza, Igifaransa n’Igiparutigali (Portuguese) m mosomo.

Iyi kaminuza ntabwo izahindura gahunda z’aho izakorera kuko mu bihugu 2 izakoreramo, hazajya hakoreshwa gahunda za buri gihugu ariko zihujwe na n’iza UVA. Amahame agenga imyitarire y’abanyeshuri akazajya aba ayo buri gihugu gisanzwe gikoresha.

Gahunda ya e-learning isanzwe iba muri kaminuza y’u Rwanda, ishami ry’uburezi ngo izashyirwamo imbaraga naho amasomo yo akaba ateganyijwe mu mezi abiri ari imbere. Aha ngo abanyeshuri bazatangirana n’amasomo ya Applied Computer Sciences ibindi bikazagenda bikurikira kuko bakiri mu ntangiriro nk’uko bitangazwa na Dr Nduwingoma Mathias uhagarariye iki kigo (CEO)

Umuyobozi wungirije wa Kaminuza y’u Rwanda, Prof Philip Cotton yashimangiye muri uwo muhango ko iki kigo kizafasha abanyeshuri Nyarwanda mu kuzamura ubumenyi mu ikoranabuhanga

Umuyobozi w’iki kigo, Dr Bakary Diallo we yemeza ko iki ari igisubizo ku kibazo Afurika ifite cy’ubumenyi mu ikoranabuhanga mu gihe ari kimwe mu bikenewe kugira ngo iterambere rirambye rigerweho.

Amafoto ya bamwe mu bitabiriye uwo muhango

Dr Nduwingoma Mathias uhagariye AVU Center muri UR

Dr Charles Muligande ushinzwe iterambere ry’Ubumenyi muri UR

Prof. Philip Cotton

Prof Njoroge George Umuyobozi wa UR, ishami ry’Uburezi

Yanditswe na Lucky van Rukundo/Muhabura.rw


Tanga igitecyerezo

Amazina
Ubutumwa

1 Comment

murangwa ezechiel - 5 months ago

mwaramutse none umunyeshuri ushaka kuhiga agomba kuba yujuje ibiki mudusobanurire ninkakaminuza zindi zisansweho impamya bushubozi muzajya musohoro nikimwe nkizizindi kaminuza murakoze.

Izindi nkuru