Yashyizweho kuri26 July, 2017 | 19:42

Dr Pierre Damien Habumuremyi yavuze ibigwi bya Kagame

Ubwo Umukandida w’umuryango FPR Inkotanyi, Paul Kagame, yiyamamariza mu turere twa Musanze mu ntara y’Amajyaruguru, na Nyabihu na Rubavu mu Ntara y’u Burengerazuba kuri uyu wa 26 Nyakanga 2017, Dr Pierre Damien Habumuremyi
yavuze ko adashidikanya ku rukundo abatuye Akarere ka Musanze bakunda Umuryango FPR-Inkotanyi abereye umukomiseri. Yemeza ko bayikunda 100%.

Dr Pierre Damien Habumuremyi akomoka muri aka karere, yemeza ko Abanyamusanze nta buryarya bagira kuko “iyo dukunze turakunda.”

Ibi Habumuremyi Yabivugiye i Busogo muri Musanze kuri uyu wa 26 Nyakanga ubwo yamamazaga Paul Kagame ku mwanya w’umukuru w’igihugu.

“Dukunda FPR-Inkotanyi, mvuze ko hano muri Musanze ari FPF Inkotanyi nsa nsa nsa ntabwo naba mbeshye, turayikunda 100%.”


Uko yavugaga imyato Kagame uyobora u Rwanda kuva mu mwaka wa 2000, ni ko amajwi y’imbaga y’Abanyamusanze yaherekezaga ijwi rye nk’ikimenyetso cyo kwemeranya na we.

Habumuremyi uyobora urwego rushinzwe intwari z’igihugu, yavuze ko bitewe n’ukuntu Kagame yateje imbere Abanyamusanze, yizera ko bazamutora 100% ku buryo afata amatora nk’ayarangiye.

Aha yasaga n’ushimangira ibyo Kagame amaze iminsi avuga, by’uko adashidikanya ko manda itaha na yo azayyobora, ndetse agahamya ko ibisigaye byo kujya mu matora ari nk’umugenzo.

Habiyaremyi yagize ati, “Nyakubahwa chairman wa FPR ibyo gutora byararangiye, twarabirangije, si byo? Mubigaragaze.” Abaturage bamweretse ko bemeranya na we bamanika amadarapo.

Mu kumvisha Kagame ko ashyigikiwe n’Abanyamusanze, Habumuremyi yamubwiye ko ibihumbi n’ibihumbi byari biteraniye ku kibuga cya Busogo ari ingabo ze zimuri inyuma ibihe byose.

Yanditswe na Chief editor/Muhabura.rw


Tanga igitecyerezo

Amazina
Ubutumwa

Izindi nkuru