Yashyizweho kuri31 May, 2017 | 11:52

Bamwe mu baturage bavuga ko batiteguye gusinyira abifuza kuba abakandida

Bamwe mu baturage bo mu karere ka Gakenke mu Ntara y’Amajyaruguru bavuga ko batiteguye gusinyira abifuza kuba abakandida bigenga batangiye gushaka abaturage babasinyira.

Aba baturage bavuga ko abantu bifuza kuba abakandida bigenga mu matora ya Perezida wa Repubulika azaba tariki ya 4 Kanama 2017 nta n’umwe bazi ahubwo uwo bazi ari uwo basanganywe kandi yabagejeje kuri byinshi mu mibereho yabo.

Ndayambaje Jean Baptiste ubarizwa mu Murenge wa Cyabingo, Akagali ka Muramba Umudugudu wa Gatare yavuze ko ntamuntu wifuza kuba umukandida wigenga mu matora y’umukuru w’igihugu arabona, ariko nubwo yamubona atiteguye kumusinyira.

Niyonsaba Jackson ubarizwa mu Murenge wa Gashenyi avuga ko yiteguye amatora y’Umukuru w’Igihugu azaba muri Kanama 2017. ati “Ibintu byose ni ukurushanwa , inda nini ntiyatuma ntora uwo ntemera nubwo yampa amafaranga ntayo nakwemera n’umukobwa ukunda umusore akurikiye amafaranga ntarukundo rurimo, urugo rwabo rurasenyuka”.

Nyiramana Petonila w’imyaka 58 ubarizwa mu mu Karere ka Gakenke yavuze ko nawe azi amatora y’Umukuru w’Igihugu nawe yavuze ko adashobora gusinyira uwo muntu wifuza kuba umukandida wigenga mu matora y’Umukuru w’Igihugu.

yagize ati “Nta na kimwe yambwira cyatuma musinyira”.

Uwajeneza Marie Chantal avuga ko abifuza kuba abakandida bigenga mu matora ya Perezida wa Repubulika ntabo arabona ati “Ntegereje ko bazaza nkumva gahunda zabo”. Uyu mudamu yavuze ko ntawe yasinyira atazi imigabo n’imigambi ye.

Hakorimana Gerardine yavuze ko adashobora gusinyira uwifuza kuba umukandida wigenga atazi gahunda ze, ati “ntabwo namusinyira ntabanje kumva gahunda ze”. Hakorimana Gerardine yavuze ko umukandida yakwemera gusinyira ari ubanza kwegera abaturage akumva ibibazo byabo akabibafashamo kandi icyo yemeye akagikora”.

Umunyamabanga Nshingwabikorwa w’umurenge wa Gashenyi Rwizigura Sheshoba Aimable avuga kuba umuturage yakwemera gusinyira umukandida cyangwa se kubyanga ari uburenganzira bwe, ubuyobozi budashobora kugira uwo bubangamira. ati “ntawe twabujije gusinyira umukandida, gusinyira umuntu ni uburenganzira bwe nta kibazo kirimo”.

Munyaneza Charles, Umunyamabanga Nshingwabikorwa wa Komisiyo y’Igihugu y’Amatora (NEC) aherutse gutangariza abanyamakuru ko abigaragaza muri iyi minsi badakwiye kwitwa abakandida bigenga mu matora ya Perezida wa Repubulika ahubwo bagomba gufatwa nk’ababyifuza kuko itariki yo gutanga abakandida bujuje ibisabwa itaragera.

Yanditswe na Ruhumuriza Richard/Muhabura.rw


Tanga igitecyerezo

Amazina
Ubutumwa

2 Comments

Pat - 1 month ago

Pretty great post. I simply stumbled upon your weblog and wanted to mention that I’ve truly enjoyed browsing your weblog posts.
After all I will be subscribing in your feed and I’m hoping you write
again very soon!

Look at my homepage ... spain golden visa

Stanley - 1 month ago

You may specify pick up and drop off locations, or rent car or limo service by the hour.

Here is my webpage Airport Limos in Phoenix AZ

Izindi nkuru