Yashyizweho kuri17 September, 2019 | 10:55

Perezida Kagame yagaragaje icyo umuryango FPR Inkotanyi washingiwe

Perezida Paul Kagame yavuze ko icyo umuryango FPR Inkotanyi washingiwe ari uguha ishema abanyarwanda aho bagiye hose, aho kugendana ipfunwe nk’aho hari ikosa bakoze.

Yabitangaje kuri uyu wa Gatandatu ubwo yafunguraga inama ya biro politiki y’Umuryango FPR Inkotanyi, yabereye ku cyicaro cy’uyu muryango i Rusororo mu Karere ka Gasabo.

Muri biro politiki yo kuri uyu wa Gatandatu, haganiriwe ku miyoborere myiza, guteza imbere ibyakorewe mu Rwanda no kugira isuku.

Perezida Kagame yavuze ko ibintu byose bishoboka iyo abantu bakora ibyo bashinzwe kandi bagakorera hamwe ari nacyo cyatumye FPR ibasha gukurikiza neza umurongo yihaye.

Ati “Twahisemo umurongo dukurikiza kandi turabikora, nizo zari intego za FPR. Imiyoborere myiza, guteza imbere abanyarwanda no kugira umwanya dukwiriye mu bandi. Uzi kujya mu bandi ufite isoni, bigasa nk’aho ufite ubusembwa utinya icyo abandi bagutekerezaho. Icyo nicyo FPR Ibereyeho. Abanyarwanda nta soni bakwiriye kugira.”

Umukuru w’igihugu yavuze ko ibyo u Rwanda rwanyuzemo bikwiriye kuba isomo rituma rudasubira inyuma kugira ngo ubukungu burusheho gutera imbere.

Ati “Ibyo tutaranyuramo ni ibiki? Isomo tutabonye ni irihe? Igisigaye ni ugukoresha ibyo tumaze kwiga. Ntabwo igikuza ubukungu ari ugukora gusa ahubwo ni no gukora bijyanye n’imikorere n’imico myiza. Iyo abantu bakorana bituma ubukungu butera imbere.”

Yavuze ko umuyoboke nyawe wa FPR Inkotanyi ari uwanga gukora ikibi ariko yanabona aho gikorwa akacyamagana cyangwa akakirwanya.

Inama ya biro politiki ya FPR Inkotanyi ihamagazwa n’Umuyobozi Mukuru w’umuryango, ikitabirwa n’abayobozi b’inzego z’Umuryango kuva ku Ntara kugeza ku Mirenge, abayobozi b’ingaga zigize umuryango, abikorera, abahagarariye abanyarwanda baba mu mahanga n’abandi.

JPEG - 259.9 kb
Iyi nama yari yitabiriwe n’abanyamuryango ba FPR basaga 2000 bahagarariye abandi
JPEG - 117.9 kb
Minisitiri w’ubutegetsi bw’igihugu Shyaka Anastase
JPEG - 82.1 kb
Perezida Kagame avuga ko nta munyarwanda ukwiye kugira isoni n’ipfunwe mu bandi nk’aho hari ikosa yakoze
JPEG - 132 kb
Minisitiri w’urubyiruko Mbabazi Rosemary (ibumoso) na Minisitiri w’ubuzima Diane Gashumba

JPEG - 99.8 kb
Umujyanama wa Perezida mu by’umutekano Gen James Kabarebe nawe yari ahari mu nama ya biro politike ya FPR

JPEG - 132.3 kb
Francis Kaboneka wahoze ari Minisitiri w’ubutegetsi bw’igihugu nawe ari mu bari bitabiriye biro politike ya FPR
JPEG - 130.5 kb
Hon Bamporiki Eduard ni umwe mu bayobozi bari bitabiriye inama ya biro politike ya FPR

JPEG - 138.9 kb
Abanyamuryango ba FPR inkotanyi bari baturutse mu gihugu hose
JPEG - 108.8 kb
Umuyobozi w’Umujyi wa Kigali Rubingisa Pudence

JPEG - 126.6 kb
Ambasaderi Marie-Chantal Rwakazina (wambaye umupira utukura) na Guverineri w’intara y’Amajyepfo CG Gasana Emmanuel

Chief Editor/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru