Yashyizweho kuri17 December, 2016 | 18:53

Ababita ibiryabarezi nka Minisiteri tugiye kubahagurukira tubarwanye twivuye inyuma- “Min Nyirasafari”

Nyuma y’Indirimbo yitwa “Ikiryabarezi” yakozwe n’umuhanzi Ama G The Black, Abana b’abakobwa babajije Minisitiri Nyirasafari impamvu umuhanzi ashobora gukora indirimbo isebye ndetse ikanapfobya igitsina gore hanyuma akanasohora videwo Minisitiri w’Uburinganire n’iterambere ry’Umuryango irebera ntihagira igikorwa, gusa Minisitiri yabijeje ko agiye gukurikirana mu maguru mashya iby’iyo ndirimbo ipfobya ikanaharabika igitsina gore.

Ibi Minisitiri Nyirasafari yabibajijwe kuri uyu wa Gatandatu tariki ya 17 Ukuboza 2016, ubwo yari mu muhango wo gufungura Amahugurwa yagenewe Urubyiruko rw’Abana b’abakorwa biga mu mashuli makuru na za Kaminuza zose zo mu Rwanda bibumbiye mu muryango AERG, ari kubera muri Avega Agahozo mu karere ka Rwamagana

Ubwo yabahaga umwanya ngo bamubaze bimwe mu bibazo ndetse banamugaragarize zimwe mu mbogamizi bakomeje guhura nazo mu buzima bwabo bwa buri munsi, Uru rubyiruko rwamugaragarije ko n’ubwo intambwe imaze guterwa na Leta y’u Rwanda ku bijyanye no guha Ijambo umwana w’umukobwa ariko hakiri bamwe mu Banyarwanda bagifite ya myumvire yo gupfobya umwana w’umukobwa no gushaka ku muhohotera

Uwitwa Theopiste wiga muri UTB yabajije Minisitiri Nyirasafari iki kibazo amusaba ko Leta yagakwiye guca icyo kintu kuko kibabangamira kwita ayo mazina abambura agaciro nk’ibiryabarezi n’andi nk’ayo.

Theopiste yagize ati “Nyakubahwa Minisitiri twagize Imana twahuye nawe kandi uri umunyamategeko turashaka kugusaba ko mwazatwigira ku bintu bimwe na bimwe nk’amazina batwika urugero nk’indirimbo ikiryabarezi ugsanga barabishyira no mu ndirimbo bagakora amashusho igasohoka na Leta ikabirebera muby’ukuri twebwe ntago bidushimisha”

Kuri iki kibazo Minisitiri Nyirasafari yasubije aba bana b’abakobwa ko nka Minisiteri ayoboye kandi ifite mu nshingano Uburinganire n’Iterambere ry’Umuryango bagiye gukurikirana iby’iyo ndirimbo cyane ko we n’ubwo yari asanzwe azi umuhanzi ndetse azi n’indirimbo ariko Atari yakbona amashusho yayo

Minisitiri Nyirasafari ati “Urumva icyo ni igikorwa kigayitse gufata igitsina gore ukavuga ngo ni ibiryabarezi, gusa ngewe n’ubwo nari nsanzwe nzi iyo ndirimbo ndetse na Ama G wayiririmbye ndamuzi ariko sinari nabasha kubona ayo mashusho yayo ariko mbijeje kuza kubikurikirana mu maguru mashya hanyuma icyo kintu kigacika mu muryango ntibakatwite ayo mazina adusbubiza inyuma na Leta y’u Rwanda ntago yabyemera”

Indirimbo ikiryabarezi yakozwe n’umuhanzi Ama G The Black yavuzweho byinshi bitandukanye gusa iyo uganiriye n’umuhanzi Ama G nyiri ukuyikora akubwira ko ibyo yaririmbye bidafite uwo bishingiyeho ahubwo ari ubuzima bwa gihanzi abamo buri munsi ndetse uyu muhanzi agahamya ko nta muntu n’umwe ahanga agamije gukomeretsa ahubwo abikora kugirango yubake Umuryango Nyarwanda.

Urubyiruko rw’Abana b’abakobwa babarizwa mu muryango AERG ruri mu mahugurwa i Rwamagana rwabajije Minisitiri impamvu Leta irebera abashaka gupfobya igitsina gore Min Nyirasafari yabijeje gukurikirana iby’iyo ndirimbo "Ikiryabarezi"

Yanditswe na Akayezu Jean de Dieu/MUHABURA.rw


Tanga igitecyerezo

Amazina
Ubutumwa

2 Comments

José - 3 months ago

ni igikorwa kigayitse kwita igitsins gore ibiryabarezi

Fiston - 3 months ago

arko ntimugakabye indirimbo yakozwe n’umuhanzi kdi ntago ari umwanzi wanyu ahubwo ni Inspiration

Izindi nkuru