Yashyizweho kuri4 December, 2019 | 13:05

Umumotari yegukanye ishimwe rifite agaciro k’ibihumbi 50 yahawe na SP mu myiteguro ya Noheli

Umumotari witwa Tuyizere Alemance yegukanye ishimwe rifite agaciro k’ibihumbi 50 by’amanyarwanda yahawe n’ikigo gicuruza ibikomoka kuri peterori mu Rwanda ’SP’ mu rwego rwo kwereka abakiriya bayo ko ibahoza ku mutima ndetse no kubinjiza mu minsi mikuru bishimye.

Iki gikorwa kiswe SHIMIRA XMAS BONANZA cyatangiye kuri uyu wa Kabiri tariki 3 kugeza 24 Ukuboza 2019 aho gifunguye kuri buri mukiliya wunyweshereza kuri sitasiyo za SP mu Rwanda.

Umuyobozi w’amasitasiyo ya SP mu Rwanda, Kayihura Jeanine, yavuze ko iyi gahunda izakorerwa ku masitasiyo 24 mu gihugu aho mu mujyi wa Kigali harimo 12 ndetse na 12 mu ntara zose z’igihugu.

Yavuze ko amashimwe bazatanga adafatwa nka tombora cyangwa poromosiyo ahubwo ari ukwereka abakiriya babo ko bahora babazirikana.

Ati"Ni ukugira ngo twereke abakiriya bacu ko tubafiteho umutima muri iki gihe cya Noheli"

Akomeza agira ati"Ntabwo ari igikorwa cya tombora cyangwa poromosiyo ahubwo ni igikorwa cyo kugaragaza ko tuzirikana abakiriya bacu".

Yavuze ko buri wa kabiri bazajya bahamagara uwagize amahirwe yo gutsindira iryo shimwe bateguye.

Amashimwe bateguye harimo iryo guhinduza amavuta y’ikinyabiziga,gutanga essance y’imodoka,gutanga icup rya Gaz n’ishyiga ryaryo naho agashinguracumu kazatangwa kuri 24 Ukuboza aho uwatsize azahabwa ibiribwa azakoresha kuri Noheli.

Ku ikubitiro uwagize amahirwe yo kwegukana ishimwe rya mbere ni umumotari witwa Tuyizere Alemance yatsindiye igihembo cyo guhinduza amavuta y’ikinyabiziga cye.

Mu magambo ye yavuze ko nawe byamutunguye kuko yabimenye ku munsi wabanje ubwo yari aciye kuri sitasiyo ya SP Nyarutarama.

Ati"Naciye hano ku mugoroba (ku wa mbere) nibwo nahuye n’umukobwa ampa tike arambwira ngo nshobora kuba umwe mu banyamahirwe utsindira igihembo kimwe muri ibi ngibi ubwo rero imvugo ibaye ingiro".

Avuga kandi ko impamvu yatumye yitabira kujya anyweshereza kuri sitasiyo za SP ari uko abahakora bakira neza ababagana.

Ati"Nanyweraga kuri sitasiyo mbonye ariko muri iyi minsi nyweshereza kuri SP kubera ko ifite abapompesti (abatanga lisanse) barimo kwakira abakiriya neza".

Ishimwe yegukanye rizamuhesha uburenganzira bwo kuzajya ahinduza amavuta y’ikinyabiziga nta kiguzi bimusabye kugeza ku nsghuro zihwanye n’ibihumbi 50 by’amafaranga y’u Rwanda.

Muri make niba guhindura (kumena) amavuta ari 4,000 buri cyumweru, bivuze ko azamena amavuta mu gihe kingana n’ibyumweru 12 bingana n’amezi atatu.

Mu mujyi wa Kigali bafashe amasitasiyo 12 ya SP ariyo iya Nyabugogo, Gikondo,Nyarutarama,Remera /Giporoso,Centre Ville,Rugunga,Kanombe 1 ,Kabeza,Kanombe,Nyamirambo,kimisagara na SP Nyarugenge.

Naho mu ntara harimo; SP Ngoma, SP Musanze 1, SP Huye 1, SP Kayonza, SP Nyamagabe, SP Rubavu, SP Rusize, SP Rwamagana, SP Muhanga, SP Nyamata, SP Bugarama na SP Nyagatare.

JPEG - 51.4 kb
Umuyobozi w’amasitasiyo ya SP mu Rwanda, Kayihura Jeanine
JPEG - 55.1 kb
Umuyobozi wa SP Ldt mu Rwanda Yves Legrux ashyikiriza Tuyizere Alemance ishimwe yagukanye

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru