Yashyizweho kuri9 January, 2018 | 11:02

Kigali: Impamvu eshanu ukwiye kwitabira serivisi zo kwita ku mubiri wawe amazi atararenga inkombe

Isi iri mu muvuduko udasanzwe aho abantu basiganwa n’iterambere ryihuta n’ingoga bituma hari abibasirwa n’umunaniro ukabije uri no mu bikomeje guhitana ubuzima bw’abatari bake, abandi ukabateza ubumuga budakira.

Nubwo nta bushakashatsi bwakozwe mu Rwanda ku mibare y’abicwa n’indwara zikomoka ku munaniro udasanzwe, ubushakatsi bwakozwe muri Leta Zunze Ubumwe za Amerika mu 2016 bwagaragaje ko umwe mu bantu 20 apfa azize gucika k’udutsi tw’ubwonko, usanga ahanini bituruka ku munaniro ukabije.

Nubwo bimeze bityo ariko ku isi hakomeza kuboneka n’abantu bafite ubuzima bwiza, baguwe neza kandi bakeye ku mubiri, babikesha kwitabira serivisi zo kugorora, kunanura no gukoresha imyitozo umubiri, zimenyerewe muri AMAZONE WELLNESS CENTER

Serivisi za AMAZONE WELLNESS CENTER zirimo izo gukandakanda umubiri (massage), kuwuruhura hifashishijwe ubushyuhe ari byo byitwa ‘sauna’ na ‘steam’ n’izindi nyinshi zituma ugubwa neza.

Muhabura .rw yaganiriye na Ruzindana Gerard , inararibonye muri serivisi zo kwita ku mubiri akaba azimazemo igihe, yasobanuye ibyiza byo gushishikariza gukora iyi myitozo.

Ruzindana unashinzwe serivisi zo kwidagadura muri AMAZONE WELLNESS CENTER asobanura ngingo eshanu

1. Kuvura umunaniro ukabije

Ku bagabo n’abagore, abato n’abakuze, umunaniro ni ikibazo gikomeye gitera indwara zitandukanye zaba izifata ubuzima bwo mu mutwe n’izo ku mubiri. Aha ni ho serivisi za ‘AMAZONE WELLNESS CENTER ’ zirimo massage n’izindi zigira akamaro kuko zivura abantu umunaniro baba bakuye mu kazi ka buri munsi, bityo zikarinda umubiri gufatwa n’indwara za hato na hato.

2. Gusukura umubiri

Serivisi za AMAZONE WELLNESS CENTER zituma imyanda isohoka mu mubiri maze ubudahangarwa bwawo bukiyongera ari nako urushaho kugira ubushobozi bwo kurwanya indwara.

Izi serivisi kandi zigaburira uruhu vitamines n’imyunyungugu bikomoka mu gitaka, ibumba, amazi n’ibindi.

3. Gutuma amaraso atembera neza

Serivisi za AMAZONE WELLNESS CENTER zirimo izikorerwa mu mazi, izikoresha ubushyuhe na massage zituma amaraso atembera neza mu mubiri no kurinda umuvuduko ukabije wayo. Uku gutembera neza kw’amaraso gutuma umubiri ugubwa neza, ugahumeka neza kandi ugahangana n’indwara zishobora kwibasira umuntu.

4. Kugabanya umubyibuho ukabije

Abantu bamwe bananirwa kwita kuri siporo kandi bakarya uko bishakiye bafata isukari nyinshi n’amafunguro yiganjemo ibinure, bituma batangira kubyibuha ku buryo bwihuse.

Abahanga mu bya siporo bavuga ko uko witabira serivisi za AMAZONE WELLNESS CENTER ku buryo buhoraho bituma umubiri ubasha kuringaniza umubyibuho no gusohora isukari udakeneye. Ibi bituma umubiri ugira imbaraga ku buryo umuntu abasha gukora akazi neza kandi ntananirwe.

5. Kurinda umubiri n’uruhu gusaza

Abantu bitabira AMAZONE WELLNESS CENTER bafite intego zitandukanye. Hari ababa badakeneye kugabanya umubyibuho, ahubwo bashaka kubaka umubiri no gukomeza imikaya.

Uko abantu bakura, ni ko uruhu rutangira kuzana iminkanyari ariko umuntu witabira serivisi zo kugorora ingingo nka spa abasha guhangana n’ibibazo byo gusaza imburagihe. Imiti ikoreshwa muri spa igaburira uruhu, ikarurinda gusaza, igatuma umuntu agaragaza itoto no mu zabukuru.

Ruzindana avuga ko ibyiza bya spa ku buzima ari byinshi cyane ariko kandi haba hakenewe utanga izi serivisi ubihugukiwe kandi afite ibikoresho bihagije bijyanye n’igihe.

Yongeraho ko AMAZONE WELLNESS CENTER itanga serivisi za spa nziza cyane mu Mujyi wa Kigali hose, ikagira n’umwihariko wo guha icyumba cyo kuruhukiramo abakiliya bamaze kuzihabwa zirimo massage, sauna, steam n’izindi.

Muri AMAZONE WELLNESS CENTER , ahatangirwa serivisi zijyanye no kugorora imitsi no kuruhura umubiri, hari ikipe y’abahanga n’ibikoresho bihagije biri ku rwego mpuzamahanga bituma batanga serivisi za spa zihariye, ziherekezwa n’icyumba cyo kuruhukiramo ku barangije kwitabwaho.

Menya ibyiza bya Sauna n’ukuntu ari umuti wa stress

Nubwo abantu benshi mu Rwanda batazi cyangwa se ngo bakoreshe sauna, burya ngo ishobora kuba umuti kuri stress, ndetse n’igisubizo ku bindi bibazo bitandukanye by’ubuzima mu gihe ikozwe neza.

Sauna ni icyumba cyubatswe mu buryo nta mwuka usohoka cyangwa se ngo winjire, aho bayoboramo umwuka ushyushye cyane, inshuro nyinshi uturuka mu nkono irimo ibyatsi bivura (umwenya, inturusu…).

Uyu mwuka ushyushye utuma abantu bari muri icyo cyumba batutubikana, imyanda yo ku ruhu ikavaho mu buryo bworoshye. Kubera ubushyuhe budasanzwe buba muri sauna, abantu baba bicaye ku ngazi z’imbaho zateganyijwe.

Nubwo abantu babasha kwihanganira ubushyuhe mu buryo butandukanye, biragoye kuba wabona umuntu umaramo iminota 20 atarasohoka ngo abanze gufata umwuka ukonje abone kongera kwinjiramo.

Nk’uko bitangazwa na Dr Julian Melgosa, mu gitabo Vivez sans Stress, sauna mu gihe ikozwe neza, ibasha gusukura umubiri binyuze mu ruhu.

Ubundi igihe cya sauna muri rusange nticyakagombye kujya hejuru y’iminota 45-60. Dr Melgosa avuga ko iyo umuntu akoze sauna uko bikwiye, imyanda iri mu maraso na yo ivamo inyuze mu ruhu, ndetse n’inyama zose zo mu mubiri zigakora neza.

Iyo umuntu ari gukora sauna, ni byiza gukaraba amazi akonje byibura buri minota 15, hanyuma akabona gusubiramo.

Icyo kinyuranyo cy’ubushyuhe n’ubukonje gifasha umubiri gukomeza kuruhuka, kigakangura ubwonko, kikanatuma ubudahangarwa bw’ububiri burushaho gukomera.

Nk’uko inyigo zitandukanye z’abahanga zabigaragaje, kujya muri sauna mu buryo buhoraho si bibi ku buzima. Ahubwo birasukura, bituma umuntu aruhuka, bikanongera ubudahangarwa bw’umubiri, cyane cyane ku kwirinda stress n’ubwandu butandukanye, bituma urwungano rw’amaraso rukora neza, bikanatuma uruhu rumera neza.

Inyigo zagaragaje ko iyo sauna ikozwe igihe kirekire ifasha mu gucunga umuvuduko w’amaraso ndetse n’indwara z’umutima, binyuranye n’ibivugwa ko sauna itera umutima.

Iyo umuntu akoze sauna mu buryo buhoraho kandi igihe kirekire, bifasha urwungano rw’ubuhumekero kurushaho kumera neza.

Ku bantu barware asima cyangwa se bronchite ihoraho, sauna yoroshya izo ndwara, umuntu akarushaho guhumeka neza.

ikozwe n’umuhanga wabyigiye ishobora kuvura no gufasha abafite uburwayi butandukanye butandura nkuko twabivuze haruguru. Ubwo bufasha bwose mwabugezwaho na AMAZONE WELLNESS CENTER Yifashishije inzobere

AMAZONE WELLNESS CENTER ikorera mu mujyi wa Kigali mu Karere GASABO Umurenge wa REMERA ku muhanda wa KG173 ST Imbere ya Alpha place Ukeneye ibindi bisobanuro wahamagara kuri: +250780777 777
+250784869517/ +250783257902

Yanditswe na Ruhumuriza richard


Tanga igitecyerezo

Amazina
Ubutumwa

Izindi nkuru

Inkuru zikunzwe