Yashyizweho kuri5 December, 2018 | 12:32

Nyamasheke:Padiri Nambajimana yasezeye ku murimo we w’ubupadiri

Nyuma y’imyaka isaga itanu ahawe isakaramentu ry’Ubusaserdoti,Padiri Nambajimana Donatien, wakoreraga ubutumwa muri Paruwasi ya Nyamasheke muri Diyosezi ya Cyangugu, yasezeye ku murimo w’Ubupadiri ku mpamvu ziswe ize bwite.

Padiri Nambajimana uzwi ku izina rya Mushi yasezeye ku gicamunsi cy’ejo ku wa Kabiri tariki ya 4 Ukuboza 2018.

Umwe mu bapadiri babanye wifuje ko amazina ye atajya muri iyi nkuru, yemeje aya amakuru ariko avuga ko impamvu yatumye mugenzi we asezera batarayimenya.

Ati “Twahawe ubutumwa na Padiri Mukuru wa Paruwasi ya Nyamasheke, atubwira ko mugenzi wacu yasezeye, atakiri ku murimo w’ubupadiri muri Kiliziya Gatolika kubera impamvu ze bwite”.

Yakomeje agira ati “Donatien twaganiraga nk’abihaye Imana ariko aho yakuye igitekerezo cyo kuva mu bupadiri sinahamenya kuko wabonaga afite umuhamagaro.’’

Nshimiyimana Alexis Padiri Mukuru wa Paruwasi ya Nyamasheke yirinze kugira icyo avuga kubivugwa ko Nambajimana yasezeye ku mirimo ye.

Ati “Ibyo sinjye ubitangaza mwabaza nyir’ubwite cyangwa Musenyeri wa Diyosezi ya Gikongoro.”

Gusa kugeza magingo aya Padiri Nambajimana ntabwo aratangaza neza icyatumye afata icyemezo cyo gusezera ku murimo w’Imana w’ubupadiri.

Yanditswe na Habarurema Djamali


Tanga igitecyerezo

Amazina
Ubutumwa

4 Comments

ntibiringirwa noah - 4 days ago

ubwoc uwo mupadiri yabigiyemo atabitekereje gs agende ashyire ubwenge ku gihe azabona ko yibeshye

mutangana janvier - 1 week ago

Gs uyumupadiri yabonaga ntamuhamagaro wabyo yarafite nubwo bagenzi be babonaga awufite.nibyabindi bavuga byokwiyambika urihurwintama kd uta bimerita.gs nibyiza kuba adashatse kugumya kuyobya abakristu ariwe wakagombye kubayobora.mushimiye icyemeze yafashe.

mutangana janvier - 1 week ago

Gs uyumupadiri yabonaga ntamuhamagaro wabyo yarafite nubwo bagenzi be babonaga awufite.nibyabindi bavuga byokwiyambika urihurwintama kd uta bimerita.gs nibyiza kuba adashatse kugumya kuyobya abakristu ariwe wakagombye kubayobora.mushimiye icyemeze yafashe.

solange - 1 week ago

ariko jyewe uyu muntu namushimira pe,nibe yabonaga kubahiriza ibyo yasezeranye n’Imana bitarigukunda aho gukomeza kwica umurimo azabazwa kumunsi w’urubanza yasezera pe,iyabe bose babikoraga gutyo

Izindi nkuru