Yashyizweho kuri20 April, 2017 | 15:12

Kugira Ingengabitekerezo ya Jenoside ni nko kugendana Cancer mu mubiri isaha iyo igeze irakwica- B Shop Birindabagabo Alex

Umuyobozi mukuru w’Itorero ry’Abanglican mu Rwanda Diyoseze ya Gahini, B Shop Birindabagabo Alex avuga ko kuri we kumva ko hari umunyarwanda waba ugifite ingengabitekerezo yaba ameze nk’umuntu ugendana indwara ya Cancer mu mubiri we nk’uko amaherezo iyo ndwara iba azamwica kandi vuba niko n’ingengabitekerezo ya Jenoside iba izageraho igafungisha cyangwa igashyira mu byago uyifite cyangwa undi wese uyihemebera

Ni ubutumwa bukubiye mu kiganiro kirambuye uyu mukozi w’Imana yagiranye n’ikinyamakuru Ukwezi.com. Aho yavuze ko kugeza ubu niba Leta y’u Rwanda ivuga ko imibare igaragaza igipimo cy’Ubumwe n’ubwiyunge igeze kuri 92% hari imbaraga nyinshi baba barashyizemo nk’abavugabutumwa ariko ku rundi ruhande akavuga ko burya nk’abakozi b’Imana iyo babwiriza ubutumwa hari bamwe bemera abandi bakanangira ari naho hava iyi mibare igera ku 8% isigaye ngo abanyarwanda bagere ku bumwe n’ubwiyunge busesuye.

Abajijwe ku kuba hakiri bamwe mu bakirisitu usanga bakigaragaraho ingengabitekerezo mu matorero n’amadini amwe n’amwe B Shop Alex uyobora EAR (Eglise Anglican au Rwanda) Diyoseze ya Gahini yagize ati “Buriya iyo tuvuze ibohokamitima n’isanamitima ni ibintu bijyana n’umwuka twebwe mu butumwa bwiza tubwiriza abakristu harimo urukundo no kubana neza na bagenzi babo kandi batarobanuye rero urumva iyo habayeho guhinduka kuri bamwe ubwo ni babandi baba bafashijwe naho bamwe rero banangiye imitima urumva nyine baba banze kwihana ari nabwo iyo umuntu yanze kwihana habaho guhana bivuze ngo na Leta yagakwiye kujya ishyira mu bikorwa ya mategeko ahana kuri babandi banze kwihana”

B Shop Alex yakomeje avuga ati “Ikindi ni uko ahanini ingengabitekerezo iterwa n’ibintu bibiri, icyambere kandi kireba twese abanyarwanda ni ubujiji ari naho dukwiye gukora akazi kanini ndetse gahoraho ko kwigisha. Ikindi kintu gitera ingengabitekerezo ni ubugome aho ho niho uruhare rwacu rwihariye rugomba kugaragarira ari nayo mpamvu tuvuga ubutumwa kugirango bano bantu bafite ubugome babe bakiwihana ariko mu gihe banangiye bahanwa n’amategeko gusa sinakwibagirwa n’ababyeyi nakwita ko bagaburira abana babo uburozi babigisha amagambo mabi cyane abo ndumva ko ari nka bamwe bagendana Cancer mu mubiri wabo kuko isaha ku isaha iba izabica ari nako n’Ingengabitekerezo iba izageza muri gereza cyangwa igashyira imiryango yabo mu byago bikomeye”

B Shop Alex akomeza asaba abakristu kwitandukanya n’icyitwa ikibi cyose by’umwihariko Ingengabitekerezo ya Jenoside kuko bazi neza amahano yabaye mu Rwanda ahanini yatewe n’izo mvugo zihembera urwango mu bantu ari nazo zatumye habaho Jenoside yakorewe Abatutsi bo mu Rwanda muri Mata 1994.

Yanditswe na Chief Editor/MUHABURA.rw


Tanga igitecyerezo

Amazina
Ubutumwa

Izindi nkuru