Yashyizweho kuri30 May, 2017 | 13:40

Abayobozi b’amadini biyemeje gufatanya n’Ubuyobozi guhangana n’amakimbirane ndetse n’ibihuha

Abayobozi b’amadini n’amatorero akorera mu Ntara y’Iburasirazuba biyemeje kongera imbaraga bafatanyije n’ubuyobozi bw’Inzego z’ibanze n’izindi nzego mu guhangana n’ibyaha bigaragara hirya no hino muri iyi Ntara cyane cyane amakimbirane mu miryango, ibiyobyabwenge ndetse na bamwe mu biyita abahanuzi bakwirakwiza ibihuha mu baturage..

Ibi byagarutsweho mu nama nyunguranabitekerezo yahuje Ubuyobozi bw’Intara y’Iburasirazuba, Abayobozi b’amadini n’amatorero akorera muri iyi ntara, Inzego z’umutekano n’Abayobozi b’Uturere kuri uyu wa mbere tariki ya 29 Gicurasi 2017 hagamijwe kungurana ibitekerezo ku mikoranire y’amadini n’inzego z’ibanze, n’uruhare rwamadini mu guteza imbere abaturage.

Guverineri Kazaire Judith uyobora iyi Ntara yabwiye abitabiriye ko Amadini afite uruhare rufatika mu iterambere ry’abaturage, abasaba kongera imbaraga mu kwegera abaturage bagafatanya na Leta mu gukangurira abaturage guhangana n’amakimbiran mu miryango, ibiyobyabwenge usanga cyan cyane byinjira biturutse kubona muri iyi minsi hagaragara ibyaha byiinshi bishingiye ku makimbirane mu miryango, abitwaza amadini bakayobya abaturage, bitwaje ubuhanuzi bw’ibinyoma, iyi nama ko yatumijwe
Inzego zifite aho zihurira n’umutekano nazo zari zitabiriye iyi nama
Umuyobozi wa Polisi mu Ntara y’Iburasirazuba ACP Rutaganira Dismas yagaragaje ko muri rusange Umutekano mu Ntara y’’Iburazuba ariko ko ibyaha birimo amakimbirane mu ngo, ibiyobyabwenge, gukubita no gukomeretsa bikomeza kuza ku isonga mu bihungabanya umutekano.

umuyobozi wa Peace Plan(Ihuriro ry’amatorero n’amadini rigamije amahoro) ku rwego rw’igihugu Musenyeri Birindabagabo Alexis avuga ko amadini afite uruhare rufatika mu kurwanya ibyaha uko abayarwanda benshi bafite amadini babarizwamo kuburyo umuyobozi w’idini agiye yigisha abayoboke kurwanya ibyaha byatanga umusaruro ufatika.

Ku kibazo cy’ibihuha yagize ati "Abahanuzi b’ibinyoma bakurwaho n’abahanuzi b’ukuri kandi aba ni bacye, ubuhanuzi bw’ibinyoma nitwe ba mbere dukwiye kuburwanya tugatangaza ubuhanuzi bw’ukuri kuko birahari, icyo twe dukwiye gukora ni ukugira ubufatanye tukamenya abantu bahanura ibyo binyoma natwe tukabanyomoza, byanarimba tukitabaza inzego za leta kugirango zidufashe ariko natwe twashyizeho akacu"

Musenyeri NZAKAMWITA wa Sylverian wa Diyosezi ya BYUMBAMH avuga ko muri Kiliziya Gaturika hashyizweho Iyobokamana rishingiye ku ngo, hashyirwaho za komisiyo kuri buri byiciro mu rwego rwo kureba ibibazo byugarije ingo no kubishakira ibisubizo.

Abayobozi b’amadini bashimiwe uruhare bagira mu bikorwa bitandukanye haba mu buvuzi, amashuri n’ibindi bikorwa by’amajyambere dore ko ngo iyo byigishijwe n’abanyamadini abanyarwanda babumva cyane kuko bo bafite umwihariko wo kubaka roho n’imibiri by’ababagana. Musenyeri Kambanda Antoinne uyobora Diyoseze ya Kibungo Musenyeri Nzakamwita Selverien uyobora Diyoseze ya Byumba

Yanditswe na Chief Editor/MUHABURA.rw


Tanga igitecyerezo

Amazina
Ubutumwa

1 Comment

- 2 months ago

Anthi_ Kriste

Izindi nkuru