Yashyizweho kuri22 November, 2016 | 02:32

Ubusesenguzi : Amayeri akoreshwa n’abagamije gupfobya Jenoside yakorewe Abatutsi

Amateka y’Ubwicanyi bwakorewe Abatutsi kuva mu 1959 bukaza gukomeza guhemberwa n’ubuyobozi bubi bwaranze u Rwanda muri iyo myaka kugeza aho imbaga y’Abatutsi basaga milliyoni bicwa muri Jenoside yabakorewe muri Mata 1994, Guhuza aya mateka mabi n’ihanurwa ry’indege yari itwaye Habyarimana utibagiwe n’andi mayeri atandukanye bagenda bisa no kwirengagiza nkana amateka mabi yaranze u Rwanda na Leta yaranzwe no kubiba amacakubiri mu Bayarwanda

Ihanurwa ry’iyi ndege ni imwe mu ntwaro ikunze kwifashishwa n’abagamije gupfobya no guhakana Jenoside yakorewe Abatusti bo mu Rwanda muri Mata 1994

Raporo “Mutsinzi Report” yashyizwe ahagaragara n’impuguke 7 z’Abanyarwanda ziyobowe na Dr Mutsinzi Jean mu mwaka wa 2010, zemeje ko indege yari itwaye abari ba Perezida Habyarimana Juvenal wayoboraga u Rwanda mbere ya 1994 na Ntaryamira w’Uburundi ndetse n’abafaransa bari bashinzwe iyi ndege (membres de l’équipage), yarashwe n’ibisasu byaturutse mu kigo cya gisirikare cya Kanombe.

Muri iyi Raporo Mutsinzi, agaragaza mo ubuhamya bw’abakozi bari bakoze ku kibuga cy’indege mu ijoro iyi ndege yahanuwemo, bemeza ko bamwe mu basirikare bakuru barindaga Perezida byagaragaraga ko batatunguwe cyane n’ihanuka ry’indege.
Ababonye n’amaso yabo iyi ndege ihanuka harimo komanda w’ikibuga cy’indege icyo gihe, uwari ushinzwe amashanyarazi, umukozi w’itumanaho rya Radio, abazimya umuriro n’abagenzuzi babiri b’ikirere.

Umugenzuzi w’ikirere wari ku kazi ku mugoroba w’ihanurwa ry’indege, Patrice Munyaneza, mu buhamya bwe, yavuze ko batunguwe n’uburyo abasirikare barindaga Perezida bari bari ku kibuga bakiriye iraswa ry’iyo ndege.

Dore bimwe mu bimenyetso byerekana ko kugendera ku ihanurwa ry’indege hagashimangirwa ko ari ryo ryabaye imbarutso ya Jenoside ari ukubeshya bigambiriwe no kugoreka amateka:

- Kuva mu mwaka wa 1959 ndetse no mu mwaka wa 1963 Ubwicanyi bwakorewe Abatutsi bwarabaye kandi icyo gihe nta ndege yari yigeze ihanurwa ndetse muri uyu mwaka wa 1963 nibwo Ijambo Jenoside ryakoreshejwe bwa mbere mu Rwanda n’abatangabuhamya b’abanyamahanga babarizwaga mu Rwanda icyo gihe gusa ntago byemewe kuko Leta yayoboraga icyo gihe yaburijemo iri jambo kuko ari nayo yari yihishe inyuma y’ubu bwicanyi bwakorerwaga Abatutsi.

Ubu bwicanyi bwo muri 1963 bwiswe JENOSIDE hari abandi bashakashatsi b’abanyamahanga n’abamisiyoneri babwemeje (Denis Gilles Vuillemin, Bertrand Russel, Luc De Heusch,).
Ubwicanyi bwo muri 1963 bwiswe JENOSIDE hari abashakashatsi b’abanyamahanga n’abamisiyoneri babwemeje (Denis Gilles Vuillemin, Bertrand

- Hagati ya 1990 na 1994 nabwo Abatutsi barishwe mu bice bitandukanye by’u Rwanda (Ngororero, Mutara, Byumba, Kibuye, Bugesera, Ruhengeri,) kandi nta hanurwa ry’indege ryari ryabaye. Raporo zitandukanye z’Imiryango irengera uburenganzira bwa muntu yo mu Rwanda no mu mahanga zagaragaje ko muri iyo myaka hishwe abantu barenga ibihumbi bitatu (3000). Urugero: Raporo ebyiri zakozwe muri 1993 n’Itsinda ry’impuguke zari ziyobowe n’Umufransa Jean Carbonare ndetse n’iry’Umuryango w’Abibumbye ryari riyobowe na Bacre WALLY NDIAYE ukomoka muri Senegal zemeje ko Abatutsi bo mu Rwanda bicwa n’ubutegetsi bwa Leta n’ingabo zayo kubera ubwoko bwabo.

Andi mayeri akoreshwa n’Abashaka gupfobya Jenoside yakorewe Abatutsi muri Mata 1994

- Abapfobya kenshi bashaka kugabanya umubare cyangwa se koroshya uburyo Jenoside yakozwemo bakoresha imvugo ziterura neza igitekerezo. Nk’urugero rw’imvugo zikunze gukoreshwa n’abapfobya ni“Abatutsi bishwe muri Jenoside ni bake”
Abakoresha iyo mvugo baba bagamije kugabanya uburemere ndetse n’ingaruka bya Jenoside yakorewe Abatutsi.

Nk’umunyamategeko ukomoka muri Amerika witwa Allan C. Storm wemeje ko Abatutsi bishwe muri Jenoside batarenga cyane ibihumbi magana abiri (200.000) mu gihe mu Rwanda Minisiteri y’Ubutegetsi bw’Igihugu yabaruye abageze kuri 1.074.017 mw’ibarura ryakozwe muri 2002. Allan C. Storm anabivuga muri filimi yiswe “Rwanda’s untold story” yasohowe na BBC mu Ukwakira 2014, ikaba yarahaye ijambo gusa abazwiho guhakana no gupfobya Jenoside yakorewe Abatutsi no kurwanya Leta y’u Rwanda.

- Indi mvugo ikunze gukoreshwa na bantu bantu bagamije gupfobya no guhakana Jenoside yakorewe Abatutsi ni “Abahutu bishe Abatutsi kubera uburakari ”
Abakoresha iyo mvugo baba bashaka kwerekana ko Abanyarwanda b’Abahutu batigeze bashishikarizwa kwica Abatutsi ko ahubwo babikoze babyibwirije kubera impamvu z’uburakari baba baratewe n’ibitero by’Inkotanyi cyangwa n’iyicwa rya Perezida Habyarimana.

Abanditsi b’Abafaransa Pierre Pean na Charles Onana bavuga ko Jenoside yatewe n’iyicwa rya Habyarimana, kimwe n’umunyarwanda witwa Jean Marie Vianney Ndagijimana wahoze ari ambasaderi mu Bufaransa kandi akaba ari naho aba, wemeza ko ari RPF Inkotanyi yicishije Abatutsi.

- Indi nzira ikunze gukoreshwa n’abagamije gupfobya no guhakana Jenoside yakorewe Abatusti ni Ugupfobya ubuhamya butangwa mu nkiko

Abapfobya ubuhamya butangwa mu nkiko bavuga ko mu manza z’abaregwa gutegura cyangwa gushyira mu bikorwa Jenoside yakorewe Abatutsi, hazamo abatangabuhamya b’ibikoresho cyangwa se batewe ubwoba na Leta y’u Rwanda kugira ngo bavuge ibinyoma babeshyera abaregwa.

Aha twatanga nk’Urugero rw’Umunyarwanda Matata Joseph uba mu Bubiligi ukunze kuvuga ko abatangabuhamya bigishwa kuvuga ibinyoma mbere yo kwitaba inkiko.
- Hari n’abakoresha inzira yo Kugabanya nkana umubare w’Interahamwe aho bavuga ko Interahamwe zari nkeya ku buryo zitashoboraga kwica Abatutsi barenga miliyoni.
Abandi bakanavuga ko mu Nterahamwe harimo Abatutsi. Ibi nabyo ni ukwirengagiza ukuri kuko Interahamwe zari zaratoranyijwe hose mu gihugu kandi zihabwa imyitozo ya gisilikare n’ibikoresho byo kuzifashisha muri Jenoside. Hamwe mu hantu Interahamwe zaherewe iyo myitozo ni mu bigo bya gisilikare bya Gabiro, Gako, Bigogwe na Mukamira. Yatangiwe kandi muri Nyungwe, Mata, Kitabi, Nyandungu n’ahandi henshi mu gihugu hakurikijwe gahunda yiswe AUTO-DEFENSE CIVILE.

Twagiramungu Faustin Batungwanayo Janvier na Paul Rusesabagina arikumwe na Matata Joseph aba ni bamwe bapfobya Jenoside yakorewe Abatutsi muri Mata 1994 ba koresha ibitangazamakuru bisebya U Rwanda bikorera hanze y’U Rwanda foto internet

Interahamwe zahabwaga imyitozo ya gisilikare ndetse zikanigishwa amasomo ya IDEWOLOJI azumvisha ko UMUTUTSI WESE ARI UMWANZI W’U RWANDA. Muri rusange, hari Abanyarwanda n’abanyamahahanga bafite uruhare mu gukwirakwiza ingengabitekerezo ya Jenoside, bakabinyuza ahanini mu itangazamakuru no mu bo bita impuguke ku Rwanda no ku Karere k’Ibiyaga Bigari. Ibyo kandi bikagira ingaruka mbi cyane ku Gihugu, ku mibanire y’Abanyarwanda, ku mutekano wacyo no ku bubanyi n’ubutwererane hagati y’u Rwanda n’andi mahanga. Ni muri urwo rwego Twese Abanyarwanda a dukwiye kugira uruhare muri ibi bikurikira:

Leta y’u Rwanda ifatanije n’abanyarwanda yahagurukiye kwamagana abapfobya n’abahakana Jenoside yakorewe Abatutsi harimo no Gukumira, kurwanya Jenoside, Ingengabitekerezo yayo, ihakana n’ipfobywa aho riva rikagera ndetse no Kudahishira abicanyi bakoze Jenoside, kubashyikiriza ubutabera no kubacira imanza ndetse n’ibindi bikorwa bifasha kongera guhesha agaciro abantu bakambuwe muri Jenoside kandi binafasha Umuryango Nyarwanda gukomeza kwiyubaka.

Kayumba Nyamwasa Azavuga iki? mu Bubufaransa ukuri kwaragiye ahagaragara ku/ ihanurwa ry’Indege yari itwaye Pererezida Habyarimana REBA UKURI KUWA HANUYE INDEGE MU MASHUSHO [Video Analysis of Habyarimana Plane Crash]


Yanditswe na Chief Editor hamwe na Salongo Richard/MUHABURA.rw


Tanga igitecyerezo

Amazina
Ubutumwa

4 Comments

Micki Hetherington - 1 month ago

A motivating discussion is definitely worth comment.
There’s no doubt that that you should write more about this
subject, it might not be a taboo subject but usually people do not discuss these issues.
To the next! Best wishes!!

My web page - coc hack

Orval - 1 month ago

We are a gaggle of volunteers and starting a new scheme in our community.
Your site provided us with useful info to work on. You
have done an impressive task and our entire neighborhood can be thankful
to you.

Also visit my web blog: hack tool clash of clans

hakizimana - 3 months ago

Erega buriya barwana nubusa URwanda na banyarwanda bazi uRwanda icyo ruvuze!!! abana mumashuli kuri bose!! guca nyakatsi burundu!!! ubuvuzi kuri bose !!!! kurinda umutekano mu mahanga [UN] Inkiko gacaca!!! Ubumwe n’ubwiyunge!! Kuvanga Ingabo za EX- FAR na APR Inkotanyi nibindi byinshi twese tuzi Perezida Kagame AMAZE KUGEZA KUBANYARWANDA AMAHANGA YIRIRWA AMUHERA IMIDARI NDETSE N’ibikombe !!!! Abanyarwanda twse tubime amatwi twiyubakire uRwanda...

Ju - 3 months ago

Abapfobya Jenoside yakorewe Abatutsi tubamaganire kure kdi twivuye inyuma

Izindi nkuru

Inkuru zikunzwe