Yashyizweho kuri17 October, 2016 | 12:45

Ubusesenguzi : Ese Kuki Ubufaransa Bukomeje Kwikurura ku Rwanda?

Kubw’uruhare Abafaransa n’ubuyobozi bwabo bwagize muri Jenoside yakorewe Abatutsi muri Mata 1994, Kugeza uyu munsi wa none Iki gihugu gikomeza gukora ibishoboka byose ngo hasibanganwe ibimenyetso ari nako iki gihugu kinyura impande n’impande mu gukomeza guhungabanya umutekano w’u Rwanda n’Abanyarwanda.

Uruhare rw’Ubufaransa muri Jenoside Yakorewe Abatutsi bo mu Rwanda muri Mata 1994 rwagaragariye ahanini mu gufasha Leta yateguye ndetse ikanashyira mu bikorwa aya mahano (Jenoside), ni ukuvuga ngo Abafaransa nibo bafashaga imitwe y’abarwanyi nk’Interahamwe, Impuzamugambi (CDR Impuzamugambi) urugero nko mu mishyikirano ya ARUSHA aho uwari Ambasaderi w’Ubufaransa icyo gihe yavuze ko ni batemerako iri shyaka rya CDR ritinjira muri Guverinoma ko FPR izasanga bene wabo barashize mu Rwanda.

Ntibyahagarariye aho kuko na nyuma y’urupfu rw’Uwari Perezida Habyarimana wakoranaga bya hafi na Leta y’Ubufaransa haje kubaho Leta yiyise iy’Abatabazi kuko ahanini ama bariyeri yagaragaraga mu gihe cya Jenoside wasangagagaho buri imwe iriho umusirikare w’Umufaransa kandi nawe ukabona ko yabaga afite uruhare mu ishyirwa mu bikorwa bya Jenoside aha urugero rwa hafi ni uko Abasirikare b’Abafaransa nibo barebaga mu ndangamuntu y’Umunyarwanda unyuze kuri bariyeri bakareba niba handitsemo ayo moko (Tutsi, Hutu, Twa) waba ufite indangamuntu irimo Tutsi ubwo ntiwabashaga kunyura aho ahubwo bahitaga bakwica.

Impamvu nyamukuru itera igihugu cy’Ubufaransa gukomeza kwikurura ku Rwanda ni uko muri Jenoside iki gihugu cy’Ubufaransa cyagiye gikora ku Isi zose zabashije gusibangana kugeza ubu bakaba batagikurikiranwa kubw’urwo ruhare bagiye bagira muri iryo rimbura-Bantu, harimo na Jenoside bo ubwabo bakoze mu Gihugu cyabo bwite yahitanye abantu benshi gusa imiryango mpuzamahanga ntiyigeze ibasha kwemeza iyi Jenoside kuko iki gihugu cyabashije gusibanganya ibimenyetso.

Ku ruhande rw’u Rwanda ho byarabananiye cyane ahanini kuri iki gihugu cy’Ubufaransa bikaba ari igisebo kuko kuri ubu Isi yose cyane ko iki gihugu kitajya cyemera na rimwe aya mahano cyakoze mu Rwanda n’Ubwo ibimeyetso bibigaragaza bigaragarira buri wese.

Ubufaransa kuri ubu bucumbikiye benshi mu bakoze Jenoside harimo n’umuryango wa Habyarimana wari uyoboye iyi Leta yateguye ikanashyira mu bikorwa Jenoside yakorewe Abatutsi. Ibi rero iyo u Rwanda rugerageje kubijyana mu mategeko usanga ariyo mpamvu Abafaransa bibabangamira ku buryo bukomeye nabo bagakora ibishoboka byose ngo basibanganye ibimenyetso.

Ese hari icyo u Rwanda rwakoze iki gituma Rugumya Gutotezwa n’Ubufaransa?

Politic mbi y’Abafaransa yagize ingaruka mbi ku bihugu bitandukanye byo kwisi ariko bimwe ntibibashe kubigaragaza ,gusa u Rwanda rwo ni umwihariko kuko Jenoside yakorewe Abatutsi muri Mata 1994 nan’ubu Abafaransa bagifite ipfunwe ry’ibyo bakoze

Ubufaransa bwafashije cyane Leta ya Habyarima kwica imbaga y’Abanyarwanda rurebera, kuva urugamba rwo kubohora U Rwanda rwarangira u Rwanda ntirwigeze rugaragaza umubano mubi hagati y’ibihugu byose, u Rwanda rwemereye Ubufaransa gufungura Ambassade mu Rwanda ndetse n’ U Rwanda rugira ambassade mu Bufaranza ariko Ubufaransa ntibwigeze bushaka kurekura rwakomeje kugenda rubangamira u Rwanda mu ngeri zose, urugero urukiko mpuzamahanga rwagombaga kuza mu Rwanda maze ubufaransa iraburwanya, mu bijyanye n’ubukungu mpuzamahanga ubufaransa buraturwanya, icyemezo cy’ umutungo wacyo.……..

Inyandiko n’ubuhamya, byakoreshejwe mu manza z’Abakoze Jenoside byabaye ngombwa ko Leta y’u Rwanda ibizana mu Rwanda ariko Ubufaransa bukajya bukomeza kugaragaza ko bidakwiye.

Ese iyi kuru kururu iterwa ni iki, Ese haba hari uguhemukirana kwabayeho?

Nti twatinya kuvuga ko hagati y’Ibihugu bibiri byahemukiranye! nk’uko mukiganiro Sobanukirwa kinyurwa kuri Televisiyo Rwanda cyo ku wa 11/Ugushyingo 2016 cyabigaragaje,

Umushakashatsi Tom NDAHIRO yagize ati“ Inkotanyi zahemukiye igihugu cy’Ubufaransa mu kudasoza umugambi bwari bwiyemeje wo gufasha Leta ya Habyarimana gutsemba Abatutsi , naho igihugu cy’ Ubufaransa cyahemukiye u Rwanda ubwo cyagiraga uruhare muri Jenoside

Leta y’ u Rwanda yagererageje kugarura umubano hagati y’Ibihugu biriri, ariko Ubufaransa bwakomeje gutsimbarara ku cyaha bwakoze ndetse no Gukomeza Guca Umutwe igihugu cy’ uRwanda, ruhakana uruhare rwagize muri genocide ndetse rukaba rugikomeje gushinja abayobozi b’igihugu kugira uruhare mu ihanurwa ry’Indege.

Ibyo Ubufaransa bukora bisa no kwivanaho Icyaha by’Amatakirangoyi.

Komisiyo yari ihagarariwe na Nyakwigendera Mucyo Jean de Dieu, yagaragaje byimazeyo ndetse inacukumbura uruhare abafaransa bagize muri Jenoside yakorewe Abatutsi, Komisiyo ya CN DEG nayo yakomoje kuruhare rw’abafaransa muri Jenoside.

Abashakatsi bo mu gihugu cy’Ubufaransa nka pierre Bea, charle onala, abo bose bagaragaje iby’ukwivanga muri Jenoside. Raporo z’imiryango mpuzamahanga nka raporo y’Umurwyango w’Abibumbye(England carmoson ) ndetse na raporo y’Umuryango wa Afurika yunze ubumwe (UA) yakonzwe mu mwaka wa 2000 yariyobowe nuwahoze ari perezida wa Botswana ndetse akaba yarahagarariye umuryango w’Ibihugu by’Ubumwe bwa Afurika (UA) .

Izi raporo zose zigaragaza ukuntu ubufaransa bwatanze intwaro ndetse na nyuma ya genocide bugatwara abakoze Jenoside mu gihugu cyabo.

Ese ni Ikihe gishya kizaza muri Anketi ya Natali na Mugenzi we?

Igihe cyose Ubufaransa bwibutse uruhare bwagize muri genocide, buhita buzana iby’indege, yahanuwe, urugero igihe u Rwanda rwibukaga genocide ku nshuro ya 10 ni bwo bwa mbere ubufaransa bwasohoye mu kinyamakuru Le Monde, raporo yakozwe na Jean Louis Brugeur “ Ibyo ankete ya Louis yageze bigaragaza ,birerekana ko FPR ariyo yahanuye indege ya Habyarimana” Ibi Ubufaransa bwabikoze mu rwego rwo kuburizamo ibikorwa byo kwibuka ndetse no gupfobya uruhare rwabo muri Jenoside yakorewe Abatutsi Mata 1994.

Nyuma yaho u Rwanda rwacanye umubano n’igihugu cy’ Ubufaransa kubera Agasuzuguro, ariko nyuma gato u Rwanda n’Ubufaransa byaje kugarura umubano ubwo hari hatowe Perezida mushya Nicolas Salikos maze aza no kuza mu Rwanda abonana n’Umukuru w’igihugu Perezida Paul Kagame.

Mu mwaka wa 2010 nibwo Abafaransa bazanye abacamanza mpuzamahanga babiri Natali Na trevedich, maze baza bitatwaje izindi mpuguke, n’ibikoresho kabuhariwe byo kugenzura neza aho isasu ryarashe indege ya Habyarimana ryaturutse. ubushakashatsi bakoze bwatandukanye n’ubwa jean Loui Brugeur, kuko bo baje aho indege yarasiwe ndetse n’aho icyaha cyabereye, Kugira ngo bamenye aho isazu ryarashe indege ryaturutse.

Ku 01 mu mwaka 2012 nibwo basohoye ibyavuye muri anketi bakoze maze bemeza ko isasu ryarashe indege ko ryaturutse muri zone ya Kanombe, bitandukanye n’abafaransa bavugaga ko ryaturutse muri Zone ya Masaka.

Igihugu cy’Ubufaransa cyahise gikubitwa n’inkuba maze kikoma umucamanza wacyo Trevech, ndetse kinamuvana kuri iyo anketi byihuse mu rwego rwo kwikura mu isoni.

Ese Ubuhamya bwa Kayumba buzatanga iki?

Ubuhamya bwa Kayumba Nyamwasa, busa no Kubaza Umugore watandukanye n’umugabo we, maze ukamubaza imyitwarire y’uwahoze ari umugabo we. Ese yakubwira ibyiza bye cyangwa ibibi?

Kayumba wahoze akorera igisirikare cy’u Rwanda akaza kukivamo azatanga buhamya ki? Ese raporo zakozwe zose kuki atatangaga ubuhamya? Kayumba Nyamwasa yahawe umwanya 1994 ntiyabutanga. Kayumba Nyamwana yakoreye u rwanda igihe kinini yahagarariye u rwanda mu gihugu cy’Ubuhinde. Ese ubyo yavugaga icyo gihe ntibizaba bitandukanye n’Ubuhamya yatanga mu gihe yabaye umwanzi w’U Rwanda? Ese ubuhamya bwe muzahabwa gaciro ki? Ese kayumba ntari muri manda ya Louis Brugeur y’abayobozi bakuru b’U Rwanda bagomba gufatwa? Ese azatanga ubuhamya anakurikiranyweho icyaha?

Ese Ihanurwa ry’Indege kuki aribyo Ubufaransa bwitwaza?

Nk’uko DR Bizimana Jean Damscent yabitangaje mu kiganiro cyaciye kuri Televisiyo y’ u Rwanda ku itariki 11/10/2016, mu kiganiro cya Sobanukirwa, Dr Bizimana yagize ati “Iby’indege, ni urwitwazo ku gihugu cy’Ubufaransa ku cyimwaro cy’uruhare rwabo no gupfobya uruhare rwabo muri Jenoside , maze kiganitamo gukomeza guhangana , kurwanya, ndetse no kwanga Ubuyobozi bw’ u Rwanda kitwaje Indege, ndetse nin’ikimenyetso cy’icyimwaro cyo kwanga kwemera gutsindwa”

Ubufaransa kandi bukomeza gukora ibishoboka byose bunyuze mu ma Raporo atandukanye bugaragaza ko iri hanurwa ry’Indege ariryo ryabaye intandaro ya Jenoside yakorewe Abatutsi muri Mata 1994 gusa iyo umuntu ababajije aho iyo ndege yahuriye n’uburyo bahagurutse mu gihugu cyabo aho gukumira Ubwicanyi ahubwo bakabutiza umurindi bikagera n’ubwo nabo babukora.

Ibi kandi byibazwa n’abanyarwanda benshi aho na Perezida wa Repubulika agenda abigarukaho mu mbwirwaruhame zitandukanye avuga ko abanyarwanda badakwiye guterwa ubwoba n’izi Raporo zidafite ukuri na kumwe Abafaransa baba bihishe inyuma

Yanditswe na Ukurikiyimfura Leonce/Muhabura.rw


Tanga igitecyerezo

Amazina
Ubutumwa

Izindi nkuru

Inkuru zikunzwe