Yashyizweho kuri4 February, 2020 | 10:12

Rusizi: Abaturage baratabaza Perezida nyuma yogusiragizwa igihe kirerekire n’inzego z’ubuyobozi bw’ibanze

Abaturage batuye mu karere ka Rusizi mu Murenge wa Nyakabuye mu kagari ka Nyabitare barasaba Perezida wa Repebulika y’u Rwanda Nyakubahwa Paul Kagame ku bafasha bakabona ingurane y’amafaranga y’ibyabo byangiritse, kuko izindi nzego z’ubuyobozi za birengagije , ibi babitangaje nyuma y’igihe kirekire bangirijwe ibikorwa byabo. bavuga ko ikigo cy’igihugu gishinzwe ingufu REG cyangije ibikorwa remezo byabo ubwo hakorwaga umuyoboro w’amashanyarazi Bweyeye-Butare-Nyakabuye bakemererwa ingurane imyakaka 3 ikaba ishize basiragizwa .

Umwe muri bo witwa Munyangeyo Alphonse utuye mu Murenge wa Nyakabuye mu kagari ka Nyabintare wa ngiririjwe ishyamba akaba atarabona ingurane yabwiye MUHABURA.RW ko basiragijwe mu buryo bushoboka kandi bubabaje n’ubuyobozi bw’akarere ndetse n’izindi nzego zi tandukanye bagiye bagezaho ikibazo cyabo, ubu bakaba basaba Perezida ku bafasha ngo kuko ariwe bizeye uzabacyemurira ikibazo.

Yagize ati:"Ibaze nawe imyaka itatu irashize umuntu agusezeranya amafaranga y’ibikorwa byawe byangijwe ariko ugategereza ugaheba ahubwo bakirwa bagusiragiza . kugeza ubwo twicaye tukibaza niba amafaranga yacu tuzayabona cyangwa twarahebye, kugeza ubu ndisabira Nyakubahwa Perezida wa Repubulika Paul Kagame umubyeyi wacu ku dutabara ."

Yakomeje avuga ko bageze aho babifata nk’akarengane. agasaba ko bahabwa amafaranga y’ingurane zabo.

Yagize ati:"Dufite abana mu mashuri imyaka ishize ari itatu dutegereje amafaranga yacu twarayabuze kandi twabigejeje mu nzego za Leta zitandukanye,ubwo se bizagenda bite kugirango tubone iyo ngurane yacu?"

JPEG - 53.5 kb
Abaturage batuye mu karere ka Rusizi mu Murenge wa Nyakabuye mu kagari ka Nyabitare barasaba Perezida wa Repebulika y’u Rwanda Nyakubahwa Paul Kagame ku bafasha bakabona ingurane y’amafaranga y’ibyabo byangiritse

Undi muturage witwa Nkizabahizi Alphonse nawe wangirijwe umutungo yavuze ko biteye inkeke kumva umuntu ategereza amafaranga y’ibye byangijwe amaso agahera mu kirere.

Nkizabahizi yagize ati:"Twafashe imyenda mu mabanki atandukanye twizeye iriya ngurane,twarabaruriwe ibyacu maze tunatanga amakonti azashyirwaho ayo mafaranga ariko twarategereje turaheba, none amabanki n’ibigo by’imari bigiye guteza cyamunara imitungo yacu, kandi twari dufite ubwishyu pe ndumva Umukuru w’Igihu akwiye kudutabara pe ."

Yakomeje avuga ko bamaze guhabwa gahunda inshuro zirenga ebyiri bizezwa amafaranga, iya mbere yavuze ni aho bayijejwe tariki ya 7 ukwakira 2018indi nshuro iba tariki ya 2o ukuboza 2019 mu mpera z’uyu mwaka dusoje.

Yagize ati:"Tukibyumva noneho twumvise turuhutse tuti uyu mwaka tugiye kuwurangizanya ibyishimo byinshi , tunatangirane undi mushyashya imihigo ndetse n’imishinga mishya izatugeza ku’iterambere rirambye, siko byagenze ahubwo byarangiye atariko bigenze dusozanya umwaka tunatangirana undi akababaro karenze."

JPEG - 61.7 kb
Abaturage batuye mu karere ka Rusizi mu Murenge wa Nyakabuye mu kagari ka Nyabitare barasaba Perezida wa Repebulika y’u Rwanda Nyakubahwa Paul Kagame ku bafasha bakabona ingurane y’amafaranga y’ibyabo byangiritse

Ku ruhande rw’ikigo cy’ingufu REG kivuga ko ibikireba byose cyabisoje ko habazwa akarere ka Rusizi aho dossier yabo baturage aho igeze . Umuyobozi w’ikigo cy’ingufu ishami rya Rusizi Cyiza Francis yagize ati:"Ibitureba twe byararangijwe igisigaye n’uko wabaza akarere aho ikibazo cy’abo baturage kigeze ."

Kuri iki kibazo Umuyobozi w’Akarere ka Rusizi Kayumba Ephrem yabwiye MUHABURA ko nk’akarere ibyabo kwari ugufasha REG gukora neza liste yabazahabwa ingurane.

Kayumba yagize ati:"Liste zararangiye zabazahabwa ingurane kandi zaranonosowe neza zoherezwa ku kicaro cya REG i Kigali kandi baraduha icyizere ko abaturage bazabona amafaranga yabo y’ingurane vuba aha."

Gusa umuyobozi w’Akarere ka Rusizi Bwana Kayumba Ephrem yanze guhita atangaza itariki n’ukwezi gusa avuga ko agendeye ku cyizere ahabwa n’icyo kigo cy’ingufu REG ari vuba.

JPEG - 373.1 kb
Umuyobozi w’akarere ka Rusizi Kayumba Ephrem urimbere arikumwe n’abandi bayobozi bayoborana Akarere

Kurundi ruhande iki kibazo s’ubwambere cy’umvikanye mu’itangazamakuru.

Mu gihe cyashize ubwo Radiyo y’igihugu yasuraga abaturage bo muri Gikundamvura Nyakabuye muri gahunda yiswe"Radiyo yawe hafi yawe" aba baturage nabwo bagarutse kuri iki kibazo maze umuyobozi w’Akarere ka Rusizi Kayumba Ephrem asubiza ko bagiye kugicyemura.

Iki kibazo cyageze no ku Badepite

Ubwo Intumwa za rubanda zasuraga Umurenge wa Nyakabuye mukureba ibyagezweho mu karere ka Rusizi mu byumweru bibiri bishize hari ku’itariki ya 14 Mutarama uyu mwaka,i kibazo cyagarutsweho n’Abaturage maze Hon Francis ababwira ko bagiye kugikurikirana hamwe n’inzego bireba.

Mu nama y’umushyikirano y’umwaka washize uhuza abayobozi bakuru mu nzego nkuru za Leta , ikibazo cy’ingurane cyagarutsweho ku baturage basiragizwa mu guhabwa ingurane y’ibyangijwe ,Umukuru w’igihugu Nyakubahwa Paul Kagame asaba ko inzego bireba zavugutira umuti iKi kibazo kikaba amateka.

Denis Fabrice Nsengumuremyi/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru