Yashyizweho kuri17 January, 2018 | 09:42

Perezida Kagame yiteguye gutabara abanyafurika bagurishwa nka matungo [REBA AMAFOTO YABO&VIDEO]

Perezida Kagame witegura kuyobora Umuryango wa Afurika yunze Ubumwe asanga icuruzwa ry’abanyafurika muri Libiya ridakwiye kumvikana nk’ikibazo cy’Abanyalibiya gusa.

Abimukira baturutse mu bihugu bya Afurika yo munsi y’Ubutayu bwa Sahara bagurishwa buri munsi muri Libya; aho ubuzima bw’umuntu bugurwa hagati y’amadorali 300 na 800.

Perezida Kagame witegura kuyobora Umuryango wa Afurika yunze Ubumwe asanga icuruzwa ry’abanyafurika muri Libiya ridakwiye kumvikana nk’ikibazo cy’Abanyalibiya gusa.

Yavuze ko ubucakara bw’abanyafurika muri Libiya n’abanyafurika barohama mu Nyanja ya Mediteranea bajya i Burayi, bibabaje.

Yabwiraga imbaga y’abayobozi barimo abambasaderi bashya icumi ari bo, Joanne Lomas w’u Bwongereza, Rakiatou Mayaki wa Niger, Nicola Bellomo w’Umuryango w’Ubumwe w’u Burayi, Julia Pataki wa Romania, Konstantinos Moatsos w’u Bugereki, Seyed Morteza Mortazavi wa Iran, Oumar Daou wa Mali, Abdall Hassan Eisa Bushara wa Sudan, Ahmed samy Mohamed El-Ansary wa Misiri na Zulit Zewdie Gebremariam wa Ethiopia.

Perezida Kagame yabwiye aba badipolomate ati “Tugomba gutekereza mu buryo bwimbitse impamvu nyakuri zacyo, kandi tukirinda kwiyumvisha ko ari ikibazo cya Libiya, ni ikibazo cyacu. Tutitaye ku kureba aho izo mpunzi zikomoka, ni ikibazo cyacu, twebwe twese.”
.
Kumenyekana kwa turutse ku’ Inkuru ya televiziyo CNN yatumye Isi ikanguka imenya ko no mu kinyejana cya 21 abirabura bagicuruzwa nk’abacakara.

Benshi muri bo basiga bagurishije ibyo bafite byose kugira ngo bishyure urugendo ruzabageza muri Libya ku nkombe za Méditerranée aho bahurira n’abakomisiyoneri babashyira mu bwato bushaje nk’imifuka bakabambutsa babageza hakurya ku butaka bumva nka ‘Paradizo’ u Burayi.

Ubuyobozi bwa Libya buvuga ko butazi aho ibyamunara bigurishirizwamo abacakara bibera

Ubuyobozi bwa Libya buvuga ko butazi aho ibyamunara bigurishirizwamo abacakara bibera, Naser Hazam uyoboye Ishami rya guverinoma rishinzwe kurwanya ubwimukira butemewe avuga ko abizi ariko akabura ibimenyetso.

Ubuhamya bw’umwe warokotse ubucakara Victory, w’imyaka 21 ukomoka mu gace ka Edo muri Nigeria, hashize umwaka n’amezi ane avuye iwabo yitwaje amafaranga yose yari atunze, ashaka kujya mu Burayi.

Yageze muri Libya ari kumwe na mugenzi we bahunganye, amafaranga arabashirana, Victory agurishwa n’umwe muri ba rushimusi akajya yirirwa ahinga abwirwa ko amafaranga akorera azagabanya umwenda ababereyemo.

Hashize ibyumweru yabwiwe ko amafaranga yaguzwe adahagije asubizwa mu cyamunara aho yongeye kugurishwa izindi nshuro nyinshi.

Banatse ingwate umuryango we muri Nigeria ngo bamurekure. Ati “Natanze ama-naira asaga miliyoni (hafi miliyoni eshatu z’amanyarwanda) mama yazengurutse insisiro aguza amafaranga ngo ashobore gukiza ubuzima bwanjye.

urugendo ruzabageza muri Libya ku nkombe za Méditerranée

Kimwe n’abandi 8 800 yamaze gusiba mu mutwe ibyo kugera mu Burayi, yemera kugaruka muri Nigeria imbokoboko.

Ati “Sinashoboye kugera yo ariko nshima Imana ku bw’ababashije kugera yo, nzagaruka ntangirire kuri zeru nubwo bibabaje cyane bitavugwa.”

Ubu bucakara bwateje imyigaragambyo mu Bufaransa, aho abigaragambya basaba Leta ya Libya n’ibihugu bikize gufasha abimukira aya marorerwa agahagarara.

Bwanamaganwe kandi n’Umunyamabanga wa AU, Moussa Faki Mahamat n’uwa Loni, António Guterres, bavuga ko bagiye kubuhagurukira.

Umuryango Mpuzamahanga wita ku Bimukira, IOM, uvuga ko ubu muri Libya hari ababarirwa hagati ya 700 000 na miliyoni bashaka kujya mu Burayi mu gihe 2000 bapfuye barohamye mu nyanja muri uyu mwaka.

Gusa U Rwanda rwiteguye gufasha abashaka kuza kurubamo cyangwa abifuza gusubira mu bihugu byabo, rukabikora bitewe n’amateka mabi abanyarwanda banyuzemo akabigisha.

Yanditswe na Ruhumuriza Richard


Tanga igitecyerezo

Amazina
Ubutumwa

2 Comments

- 1 week ago

how to buy viagra online cialis benefits and side effects http://rabbitinahat.com

Lila Montero - 2 weeks ago

order viagra viagra dosage viagra for sale uk only http://viagraonlineviagra.accountant

Izindi nkuru

Inkuru zikunzwe