Yashyizweho kuri29 May, 2019 | 16:12

Muri Operation’7 zikomeye za gisirikare zitazibagirana mu mateka y’Isi Harimo niy’Ingabo z’u Rwanda za koze

Ibintu byinshi byabashije guhinduka ku Isi nyuma y’ibikorwa bya gisirikare byagiye bikorwa mu ibanga rikomeye, abari ibikomerezwa bashyirwa hasi ndetse imbohe zisubizwa ubwigenge, byose bigendeye ku bwenge buhambaye bwakoreshejwe bwuzuzanya n’ibikoresho bya gisirikare byihariye.

Tugiye kugaruka ku bikorwa bya gisirikare cyangwa se ‘operation’ zasize amateka akomeye n’impinduka nyinshi, haba muri Afurika no ku yindi migabane.

1.Operation Trojan Horse

Iyi ni imwe muri Operation za Gisirikare zikomeye zabayeho mu mateka y’Isi zakoranywe ubwenge, amayeri n’ubuhanga budasanzwe.

Nk’uko inyito yayo ibyivugira, yakozwe hifashishijwe ifarashi nini cyane yabajwe mu giti. Abasirikare b’Abagereki bashakishije uko bajya gusenya urugo rw’Umwami Priam wa Troie, niko kumuhenda ngo bamwoherereje impano ikoze mu ishusho cy’ifarashi nini cyane, nyamara yuzuyemo Abakomando kabuhariwe 30 b’Abagereki, binjira umujyi batyo.

Ubwo kandi hari mu kinyejana cya 12 mbere y’Ivuka rya Yezu hatagira n’ugirango ni vuba aha.

Baca umugani mu Kinyarwanda ngo “Nyakibi ntarara bushyitsi”. Muri iryo joro, ba bakomando basohotse bucece muri cya kibumbano, baromboka bakingura imiryango y’inzugi z’imitamenwa z’inkike zari zigose umujyi wa Troie ubundi abasirikare bene wabo b’Abagiriki bari barekereje hanze aho si ukuwirohamo bivayo basenya kandi batwika ikintu cyose cyari muri uwo mujyi.

Iyi Operation bamwe bavuga ko isa n’idashoboka, abandi bakavuga ko yakoranywe ubwenge kabuhariwe.

JPEG - 435.1 kb
Operation Trojan Horse ni imwe muri zikomeye zabayeho mu mateka y’Isi zakoranywe ubwenge, amayeri n’ubuhanga budasanzwe

2 Igitero kuri Eben-Emael cyakozwe n’Abadage ku Babiligi

Iyo nayo ni imwe muri Operation zubatse izina mu kinyejana cya 20 cyane ko ari nayo yabaye iya mbere ikozwe mu buryo bwari bugezweho, yatumye igisirikare cyo mu Isi ya none gitangira gutekereza no kubaka imitwe yihariye y’Abakomando.

Abasirikare b’Abadage bo mu itsinda rimanukira mu mitaka rizwi nka Fallschirm-Jäger bigabije inkambi y’Abasirikare b’Ababiligi yari iherereye ku mpinga z’imisozi ya Eben-Emael, ahari inzira yoroshye yo gutera u Bufaransa mu ntambara ya kabiri y’Isi yose.

Bari biganjemo abahanga mu by’ubwubatsi no gusenya ibintu bikomeye bose hamwe 80, bayobowe na Capt. SA Koch, bashoboye gusenya igikuta cyari cyarubatswe n’Ababiligi mu rwego rwo kubuza Abadage kwigabiza u Bufaransa.

Mu gahe gato aba ba ‘Para-Komando’ bigabije icyo kigo cy’Ababiligi kuwa 10 Gicurasi 1940, basenya intwaro zabo zose, mu gihe abandi basirikare b’Abadage bari bahasesekaye kubatera ingabo mu bitugu.

Kugeza n’ubu, Abasirikare b’Abadage bagize uruhare muri iki gitero bambitswe imidali y’ubutwari kubera ubuhanga n’ubushobozi berekanye muri iyo operation.

3. Igitero ku Kibuga cy’Indege cya Entebbe muri Uganda

Iki ni igitero cyakozwe n’umwe mu mitwe y’Abakomando kabuhariwe witwa Seyaret Maktal wo mu ngabo za Israel, wakunze kuvugwaho kugaba ibitero bikaze hanze y’igihugu cyabo.

Kuwa 27 Kanama 1976 nibwo ibyihebe byo mu mutwe wa PFLP waharaniraga kubohoza Palestine byigaruriye Indege ya kompanyi Air France yari ivuye Tel-Aviv igana i Paris, ariko igomba kunyura i Athens mu Bugereki.

Mu bagenzi binjiriye i Athens harimo ibyihebe bine, bibiri byo mu mutwe wiyitaga uwa rubanda uharanira kubohora Palestine ariko warwaniraga hanze y’igihugu (PFLP-EO), ukayoborwa na Wadie Haddad, ibindi bibiri byari Abadage Wilfried Böse na Brigitte Kuhlmann, bo mu mutwe w’iterabwoba German Revolutionary Cells.

Abo bayobeje iyo ndege yerekeza i Benghazi muri Libya bahamara amasaha arindwi bongeramo amavuta. Icyo gihe abayobeje indege barekuye umunya-Israel wavukiye mu Bwongereza, Patricia Martell batekerezaga ko ashobora kugira ibibazo bitewe no gutwita.

Basabye miliyoni eshanu z’amadolari kugira ngo barekure indege, ndetse bongeraho ko Israel igomba kurekura imfungwa 53 z’Abanya-Palestine zirimo n’ingabo 40 ngenzi zabo n’abandi 13 mu bindi bihugu.

Gusa impande zombi zananiwe kumvikana. Israel yifashishije Abakomando 100 bari bayobowe na Lt Col Yonatani Netanyahu murumuna wa Minisitiri w’Intebe uriho kuri ubu muri Israel.

Indege yavuye Benghazi nka saa 3:15 z’umugoroba kuwa 28 Kanama, nyuma y’amasaha arenga 24 ihagurutse i Tel Aviv igera ku kibuga cya Entebbe muri Uganda.
Ingabo za Israel zageze ku kibuga cya Entebbe kuwa 3 Nyakanga saa tanu z’ijoro, zitwaje imodoka y’umukara ya Mercedes yasaga neza n’iyatwaraga Idi Amin n’izindi za Land Rovers zakundaga kumuherekeza zibasha guca ku burinzi.

Igitero cyose cyamaze iminota 53, kubohora abantu bitwara 30 gusa. Ibyihebe byose byarishwe ndetse n’abasirikare ba Uganda bari hagati ya 33 na 45 baricwa. Abari bafashwe bugwate bagera ku 102 basubijwe muri Israel banyuze i Nairobi muri Kenya.

Mu mirwano itaramaze igihe kinini, abakomando batanu ba Israel barakomeretse ndetse uwari ubayoboye, Yonatan Netanyahu ahasiga ubuzima.

Na n’ubu iyi operation iri mu zigwa cyane mu mashuri ya Gisirikare ku Isi yose.

JPEG - 124 kb
Abanya-Israel bahobeye abo mu miryango yabo, abagabo basoma abagore babo ibyishimo birabataha

4.Operation Neptune Spear yaguyemo Ossama Bin Laden

Iki gitero cyahitanye Osama Bin Laden kuwa 01 Gicurasi 2011 kiri mu bidateze kwibagirana mu mateka y’Isi. Ni igitero cyakoreshejwemo ibikoresho n’Abakomando bo mu itsinda The Naval Warfare Development Group ryo mu Ngabo za Amerika zizwi nka Navy Seal.

Uko bari muri Kajugujugu zabo zo mu bwoko bwa Black Hawk, bafite amakuru y’iperereza ahagije ku mujyi wa Abbottabad uherereye ku bilometero bisaga 500 uturutse ku mupaka wa Pakistan ya Afghanistan aba basirikare baturutsemo, babashije kwinjira mu rugo rwa Osama baramuhitana, kandi bose basoza iki gikorwa nta n’umwe ukomeretse.

JPEG - 304.2 kb
Abanya-Israel bahobeye abo mu miryango yabo, abagabo basoma abagore babo ibyishimo birabataha

5.Operation Nimrod kuri Ambassade ya Iran i Londres

Ni Operation ya Gikomando yakozwe n’Amatsinda abiri yo mu Ngabo zidasanzwe zirwanira mu kirere z’u Bwongereza zizwi nka The British Special Air Service.

Iyi Operation ifite umwihariko kuko mu gihe yakorwaga, yatambukaga imbonankubone kuri za Televiziyo n’Amaradiyo akomeye yo ku Isi yose.

Ni mu gihe ibyihebe bigera kuri bitandatu byari bimaze gufata bugwate abantu bagera kuri 26 muri Ambassade ya Iran mu Bwongereza, aho babamaranye iminsi itandatu yose uhereye kuwa 31 Mata kugeza kuwa 05 Gicurasi 1980.

Aho ibiganiro Guverinoma y’u Bwongereza yagiranaga n’ibi byihebe binaniraniye, ndetse ibyihebe bigatangira kwica imbohe, Abakomando kabuhariwe 30 bamanukiye mu bisenge bya Ambassade ya Iran, barwana bikomeye n’ibyihebe.

Imbere ya za Camera zitandukanye ibyo byihebe byarishwe harokokamo umwe, nawe waje gufatwa nyuma ahabwa igihano cy’imyaka 27 y’igifungo. Ni Operation yamaze iminota 17 yose ariko yari iy’amaraso.

6. Operation Moscow Theater Rescue, Ingabo z’u Burusiya zakoreshejemo imiti isinziriza

Ni nyuma y’icyumweru ibyihebe 40 by’Aba- Chechnya byagize imbohe abantu basaga 800 muri imwe mu nzu z’imyidagaduro mu mujyi wa Moscow, hari mu Ukwakira 2002.

Itsinda Sptznaz ryo mu itsinda Alpha ry’Abakomando kabuhariwe bo Ngabo z’u Burusiya, bafite intwaro zikomeye, babashije kwinjira mu nzu ibyo byihebe byari byigaruriye babirasa nta n’umwe ubacitse.

Mbere yaho ariko, Ingabo z’u Burusiya zabanje kubaminjagiraho imiti itera ibitotsi, yaba ibyihebe cyangwa imbohe, bose barabasinziriza n’uko urugamba ruba rurangiye gutyo.

Iyi niyo operation yakozwe hifashishijwe ubwoko bw’imiti itarabashije kumenyekana kugeza ubu.

7. Operasiyo Kitona yakozwe n’Ingabo z’u Rwanda muri Congo Kinshasa

Iyi ni imwe muri Operation yabayeho mu kinyejana cya 20 igasiga amateka akomeye, ku buryo inakoreshwa muri amwe mu Mashuri makuru ya Gisirikare ku Isi yose kuko u Rwanda ndwari rugiye kugabwaho ibitero bikomeye biturutse muri Congo u Rwanda rurabatanga .

Ubushishozi bwa Perezida Kagame wari Visi Perezida akaba n’Umugaba w’ingabo icyo gihe, bwatumye afata umwanzuro wo gutangiriza urugamba i Kinshasa ari na ho rwarimo rutegurirwa ngo batere u Rwanda , dore ko Perezida Kagame yari amaze kubona ko nibarindira ko Kabila n’abamushyigikiye batera u Rwanda ingabo za RDF zitari bubatsinde.

Ingabo z’u Rwanda zarambutse, zikoresha indege ya RDC zigarurira ibirindiro by’ingabo ahitwa Kitona, ku buryo Kabila wateguraga gutera u Rwanda, yagiye kumenya ko ingabo za RDF ziri kuza kuri ibyo birindiro zamaze kubigeramo.
Iyi ntambara ifite imizi mu 1996 ubwo hatangizwaga urugamba rwo kubohora icyari Zaïre yayoborwaga na Mobutu Sese Seko. Yakuweho ubutegetsi bufatwa na Laurent-Desiré Kabila.

Laurent-Desiré Kabila yayoboye kuva ku ya 17 Gicurasi 1997 aza kuva ku butegetsi yishwe n’uwamucungaga ku ya 16 Mutarama 2001. Ku ya 2 Kanama 1998, amatsinda y’abasirikare muri Congo barimo ingabo ziturutse hanze zirimo iz’u Rwanda, Uganda n’u Burundi yisuganyirije muri Goma hafi y’umupaka w’u Rwanda.

Hari ku itariki 4 Kanama 1998, ubwo Itsinda ry’Abasirikare b’u Rwanda, ahanini bari biganjemo abo muri batayo ya 19 bayobowe n’ Umujyanama wa Perezida Kagame ku byerekeye umutekano Gen. James Kabarebe (icyo gihe yari Colonel) bashoboye kwigarurira Ikibuga cy’Indege cya Kitona.

Ikibuga ndetse n’Ikigo cya Gisirikare cya Kitona biherereye mu bilometero 1500 uvuye i Goma no mu bilometero 320 uvuye mu Mujyi wa Kinshasa.

Ubwo aba basirikare bari bahagurutse ku Kibuga cy’Indege cya Goma hamwe n’intwaro zabo bashoboye gusohoka mu ndege barwana bafata icyo Kibuga cya Kitona, banigarurira uduce tutari duke twa Congo.

Muri uru rugamba Kabila yahungiye mu Mujyi wa Lubumbashi, aho yitabaje ibindi bihugu by’umwihariko ibihuriye mu Muryango w’Iterambere ry’Ubucuruzi muri Afurika y’Amajyepfo (SADC) asaba inkunga mu bya gisirikare.

Ku ya 17 Kanama, abanyamuryango batatu ba SADC barimo Zimbabwe, Angola, na Namibia bamuhaye inkunga ndetse bohereza ingabo muri Kinshasa zabafashije kwigiza inyuma ingabo zashakaga kumukura ku butegetsi zari zibumbiye muri Rally for Congolese Democracy (RCD).

Ku ya 23 Kanama, uwari Perezida wa Angola, José Eduardo Dos Santos, yatangaje ko ingabo ze zigera ku 2500 zari zitwaje intwaro za rutura n’indege z’intambara zigiye gucunga Kinshasa.

Ingabo za RCD zigijwe inyuma zisubira mu misozi zijya gutegura urugamba rushya rwaje kurangira ziguye gitumo abasirikare ba Angola bagera kuri 400 bari barinze ikibuga cy’indege cya Maquela do Zombo muri Angola mu gitero cyagabwe muri Nzeri 1998.

JPEG - 149 kb
Gen Kabarebe usanzwe ari Umujyanama Mukuru wa Perezida wa Repubulika mu by’umutekano

Operation Kitona bivugwa ko iri mu zashoboye kwerekana ubuhanga buhambaye bwo kurwana ku rwego rwo hejuru.

Ni igikorwa cyagizwemo uruhare n’Abasirikare bakabakaba 500 ariko bagaragaje ukunyaruka no kwigarurira ibice bitari bike bya Congo birimo nk’inganda za peteroli za Muanda, urugomero rw’amashanyarazi rwa Matadi ndetse n’Ikibuga cy’Indege cya Ndjili mu gihe gito.

Perezida Paul Kagame yavuze ko abantu bashaka guhungabanya umutekano w’u Rwanda, baba bari mu mahanga cyangwa ahandi aho ariho hose, bagomba kwitonda kuko u Rwanda rufite imbaraga zo guhangana nabo.

Ubwo yari mu Karere ka Burera, Kagame yavuze ko hari abantu bafite imigambi mibi ku Rwanda bari mu mahanga, ko bamwe bazizana mu Rwanda cyangwa abandi bagafatwa.

Yahereye ku bigamba ibitero banyuze kuri radiyo mpuzamahanga na internet, avuga ko bibwira ko bari kure y’u Rwanda, ariko koko bari kure kuko ntaho bahurira n’umuriro.

Ati “Waba uri muri Amerika, Afurika y’Epfo, mu Bufaransa, ukibwira ngo uri kure, ariko uri kure kuko ntaho uhuriye n’umuriro. Ariko umunsi begereye umuriro uzabotsa. Ibyo bari bakwiye kuba babizi, aribo ari n’ababashyigikiye, bazi ko hano batahakinira, nta kuhanikinira.”

“N’abashaka kubajyamo bakabakoresha, mujye mubabwira ko, barakinisha umuriro, uzabotsa. Kuri icyo cy’umutekano nta muntu twabyingingira, abantu bakwiye kumva ko twabuze umutekano igihe kinini, dutakaza byinshi, ariko icyo gihe cyararangiye. Turi mu gihe cy’amahoro. Dushaka amahoro ku neza cyangwa ku bundi bundi buryo.”

Yavuze ko kubona umutekano nibisaba ingufu nazo u Rwanda ruzifite, asaba abaturage kugira uruhare mu gucunga umutekano kandi inzego zibishinzwe zibari hafi.

JPEG - 237.3 kb
Perezida Kagame yavuze ko hari ikibazo cy’abaturanyi kuva kera bashaka gutera u Rwanda ibibazo, ariko ko abaturage bagomba kururinda
JPEG - 242.5 kb
Mu gikorwa cyo guhiga Osama, Obama n’abandi bayobozi ba Amerika baraye bicaye ijoro ryose bakurikira uko kiri kugenda
JPEG - 88 kb
Yonatan Netanyahu, umuvandimwe mukuru wa Benjamin Netanyahu, Minisitiri w’Intebe wa Israel kuri ubu niwe wari uyoboye urugamba

Salongo Richard MUHABURA.RW


Tanga igitecyerezo

Amazina
Ubutumwa

Izindi nkuru