Yashyizweho kuri3 November, 2018 | 18:11

Menya Inzego z’ubutasi 11 ziteye ubwoba ku Isi

Buri gihugu ku Isi gifite inzego z’ubutasi mu rwego rwo kurinda ubusugire bw’igihugu ndetse n’umutekano w’abaturage bifasha mu gushakisha amakuru hirya no hino mu bijyanye n’umutekano zikaba inkingi ya za guverinoma zitandukanye mu guhangana n’umwanzi.

Hifashishijwe ibinyamakuru bitandukanye bikora ubushakashatsi ku rwego rwo hejuru ku Isi, MUHABURA .RW yakusanyirije abasomyi bayo inzego z’ubutasi 10 zikomeye ku Isi, zifite ubuhanga ndetse ubunararibonye butandukanye. Central Intelligence Agency (CIA)

1. Central Intelligence Agency (CIA) : Leta Zunze Ubumwe za Amerika

CIA yashinzwe mu 1947, ikaba ifite ibiro bikuru i Langley muri leta ya Virginia, Ikusanya amakuru ku Isi hose aho ikorana n’izindi nzego z’imbere mu gihugu ndetse no hanze ya USA. Yamamaye cyane kubera kurwanya iterabwoba ku Isi ndetse no guhangana n’amakimbirane muri politike.


2. Research and Analysis Wing (RAW): India

RAW yashinzwe mu 1968 ikaba ifite ibiro bikuru mu mujyi wa New Delhi. Yashinzwe hagamijwe kurwanya iterabwoba mu gihugu. Ikusanya amakuru muri guverinoma zitandukanye ku Isi ndetse n’abantu ku giti cyabo ndetse n’abayikoramo ubwabo. Nubwo uyikuriye atanga raporo kwa Minisitiri w’Intebe, RAW ntigenzurwa n’inteko ishinga amategeko y’u Buhinde. Ifite intasi zirenga 8000 zisakajwe ku Isi hose.

3. Bundesnachrichtendienst (BND): u Budage

Uru rwego rw’ubutasi rw’u Budage rwashinzwe mu 1956, rufite ibiro bikuru mu mujyi wa Pullach. Rufatwa nk’urwego rwa mbere ku Isi rufite umurongo ngenderwaho uhamye cyane kubera imyitwarire ikaze abarugize bagenderaho. Rufite intasi zikabakaba ibihumbi 4 ku Isi hose.


4. The Institute for Intelligence and Special Operations (MOSSAD): Israel

‘MOSSAD’ cyangwa se ‘The Institute’ yashinzwe mu 1949 ikaba ifite icyicaro i Tel Aviv. Yashinzwe hagamijwe kurinda umuryango w’Abayahudi ndetse no gukusanya amakuru harwanywa iterabwoba. Ifite intasi ku Isi hose kandi umuyobozi wayo aha raporo Minisitiri w’Intebe.


5. Military Intelligence Section 6 (MI6): u Bwongereza

Nubwo MI6 yashinzwe mu 1909, yemejwe mu 1994. Ifite icyicaro mu gace ka Vauxhall Cross, mu mujyi wa London. Intasi za MI6 zikwirakwijwe ku Isi hose kuva kera ikaba ifatanya n’izindi nzego zitandukanye z’ubutasi mu bwami bw’u Bwongereza.


6.Inter Service Intelligence (ISI): Pakistan

ISI izwiho kuba yaraciye agahigo ku Isi mu butasi bukomeye butandukanye. Yashinzwe mu 1948 ifite intego yo gukaza umutekano w’igihugu. Ifite icyicaro mu mujyi wa Islamabad. ISI ikora mu buryo bunoze bikomeye kandi ikaba izwiho kuba yarakoze akazi katoroshye muri Afghanistan, Siachin no mu gace ka Kashmir.


7. Federal Security Services (FSB): Russia

FSB ifit intasi zirenga ibihumbi 250 ku Isi ikaba izwiho kuba imwe mu rwgo rw’ubutasi rukaze cyane ku Isi. Ifite icyicaro mu gace ka Lubyanka Square mu mujyi wa Moscow ikaba yarashinzwe mu 1995 ifite intego yo gukusanya amakuru imbere no hanze y’igihugu irwanya cyane iterabwoba.


8.Ministry of State Security (MSS): u Bushinwa

MSS yashinzwe mu 1983 ngo igenzure cyane abaturage b’u Bushinwa kugira ngo bubahirize amabwiriza y’ishyaka ry’abakomunisiti. Igenzura bikomeye ubutasi bwo hanze ndetse no mu ngo z’abantu, kandi intasi zayo ziri ku Isi hose aho abenshi bitwara nk’abaturage basanzwe ndetse banakora akazi gasanzwe mu bihugu bitandukanye.


9.Australian Secret Intelligence Service (ASIS): Australia

ASIS ifite icyicaro mu mujyi wa Canberra, ikaba yarashinzwe mu 1952. Ikusanya amakuru y’ubutasi cyane cyane mu bihugu bitavuga rumwe na Australia biherereye mu Nyanja ya Pasifika. Intasi zayo ziri impande zitandukanye z’Isi ngo zifashe mu kurinda umutekano w’igihugu.

10. Directorate General for External Security (DGSE): France

DGSE niyo itanga amakuru y’ubutasi mu Bufaransa, haba hanze cyangwa imbere mu gihugu, igakorana hafi na Minisieri y’ingabo. Yashinzwe mu 1982 ifite intego yo gukusanya amakuru hanze ndetse no mu gihugu, aho ifite intasi zirenga ibihumbi 4 ku mpande zose z’Isi

11.Rwanda Investigation Bureau (RIB)

Kuri uyu mwanya twahisemo gushyiraho Urwego rw’Igihugu rw’Iperereza(RIB) kuko kuba ari urwego rugiyeho vuba rukomeje kwerekana ko ari urwego ruri gukorana imbaraga n’umurava,bityo mu bigaragara nka nyuma y’imyaka ingana n’iyo izi nzego twababwiye hejuru,nayo yakora n’ibirenze.

RIB Ubusanzwe yasimbuye CID Ikora Nka FBI, Inoza Iperereza mu gukurikirana ibyaha bikome byaba ibikorerwa kw’ ikorana buhanga no gutahura ibyaha bitaraba. Rwanda Investigation Bureau (RIB), umuyobozi wayo yitwa Col Ruhunga.

Salongo Richard /MUHABURA.RW


Tanga igitecyerezo

Amazina
Ubutumwa

Izindi nkuru

Inkuru zikunzwe