Yashyizweho kuri17 December, 2019 | 19:11

Kubera Iki Abanyamakuru Bakomeje Guhura n’Akaga kw’Isi?

Ishyirahamwe ry’Abanyamakuru batagira umupaka , Reporters Sans Frontières (RSF), riravuga ko itangazamakuru rikomeje kuba umwuga abantu bahuriramo n’akaga. Muri uyu mwaka abanyamakuru 49 barishwe, 389, barafungwa abandi 59 bafatwa bugwate.

Iri shyirahamwe riharanira uburenganzira bw’abanyamakuru riravuga ko muri uyu mwaka aribwo hagaragaye umubare muto w’abanyamakuru bishwe ugereranije n’imyaka 16 ishize kuko ubusanzwe, abanyamakuru bagera kuri 80 bicwaga hiya no hino ku isi.

Abenshi muri bo bagwa mu turere turangwamo intambara n’imvururu za politike nkuko bitangazwa na RSF

Abanyamakuru 17 bapfuye batangaza inkuru z’intambara muri Siriya, Afuganistanie na Yemeni, mu gihe umubare uruta uwo wiciwe mu bihugu byitwa ko birangwamo amahoro.

RSF ivuga ko umubare w’abanyamakuru bafungwa bahowe akazi kabo ugenda wiyongera. Uyu mwaka baragera kuri 389 harimo 120 bo mu Bushinwa, 34 bo mu Misiri na 32 bo muri Arabia Saoudite. Abarenga 40% muri abo bazira gutangaza amakuru yigenga babinyujije ku mbuga nkoranyambaga.

Niyomugabo Albert


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe