Yashyizweho kuri19 March, 2019 | 09:23

Gisozi: Polisi yishe umujura warugiye kwiba murugo rw’umukozi wa BNR

Mu gitondo cyo kuri uyu wa kabiri tariki 19 Werurwe 2019, mu mudugudu wa Byimana, akagari ka Musezero, umurenge wa Gisozi akarere ka Gasabo, Polisi yaharasiye umujura wafatiwe mu cyuho yatoboye inzu amaze no gusohora bimwe mu byo yibaga.

Uyu warashwe witwaga Dusengimana Deo w’imyaka 31, akomoka mu karere ka Nyamasheke, umurenge wa Rangiro Akagali ka Murambi, Umudugudu wa Nyarwungo.

Dusengimana na bagenzi be babiri ariko bo babashije gucika, bari bamaze gutobora inzu ya Nteziryayo Richard ukorera Banki Nkuru y’igihugu (BNR).

Mukiza ukuriye inkeragutabara mu murenge wa Gisozi, ngo Dusengimana yasabwe gutuza ngo bamute muri yombi ashaka kurwanya abashinzwe umutekano dore ko yari yitwaje n’umuhoro, bityo bituma ahita araswa agwa aho.

Aha ni hamwe mu ho abajura batoboye

Umuhoza Mignone umufasha wa nyir’urugo, avuga ko kuva sa saba z’ijoro yari maso, ageze aho yumva abantu basimbukiye mu gipango, batangira gucukura inzu, nibwo yahise atabaza abashinzwe umutekano mu ibanga.

Dusengimana yarashwe yari amaze gusohora akuma kagabanya ubukana bw’umuriro w’amashanyarazi hamwe n’ibitabo bya bibiriya bine.

Dusengimana Deo yari asanzwe akora ibiraka by’ubwubatsi nk’umuyede ubundi agatunda umucanga wo kubaka.

Umuyobozi w’ Umurenge wahageze bikimara kuba yavuze ko uwarashwe basanze yari amaze gusohokana akuma karinganiza umuriro umugozi bacumekamo intsinga na Bibiliya eshatu.

Uru rugo rushya rw’abashakanye ngo rwari rwarahaye akazi bariya basore bakiri bato kuko uwarashwe witwa Dusengimana yajyaga aza bakamuha akazi ko gutunganya ubusitani.

Habarurema Djamali /Muhabura.rw


Tanga igitecyerezo

Amazina
Ubutumwa

Izindi nkuru

Inkuru zikunzwe