Yashyizweho kuri19 May, 2018 | 16:23

Nyuma y’iminsi micye umuhanda Kigali-Gatuna usanwe,wongeye kwangirika ku rundi ruhande

Nyuma y’igihe gito gishoboka kitageze no ku icyumweru,umuhanda wa Gatuna uhuza u Rwanda na Uganda wangirikiye mu Karere ka Gicumbi wongeye kuba nyabagendwa, noneho wacikiye ku ruhande rwa Uganda mu Karere ka Kabale.

Mu Rwanda, uyu muhanda wari wangijwe n’imvura mu Murenge wa Cyumba, Akagari ka Rwakojo, bituma ku wa 14 Gicurasi amakamyo awukoresha ava Kigali cyangwa Uganda yerekezwa ku muhanda wa Kagitumba. Ariko waje guhita usanwa byihuse wongera kuba nyabagendwa ku wa 18 Gicurasi 2018.

Kuri ubu, muri kilometero enye uvuye ku mupaka w’u Rwanda, uyu muhanda waridukiye ahitwa Kyonyo kubera imvura nyinshi.

Nk’uko tubikesha Chimpreports, Umuvugizi wa Polisi Emilian Kayima, yatangaje ko inzego zibishinzwe ziri gukora ibishoboka byose ugasanwa vuba, ariko abawukoresha bahawe indi nzira bakwitabaza.

Emilian Kayima yagize ati “Abakoresha umuhanda baragirwa inama yo kunyura mu muhanda mushya wuzuye wa Ntungamo - Mirama Hills ukagera mu Rwanda.”

Uyu muhanda waridukiye ku ruhande rwa Uganda mu karere ka Kabale

Muhabura.rw


Tanga igitecyerezo

Amazina
Ubutumwa

Izindi nkuru