Yashyizweho kuri5 June, 2017 | 16:26

Umugore wa Diamond yagizwe umuyobozi ushinzwe imitungo ya nyakwigendera Ivan

Zari, umugore w’Umuhanzi w’icyamamare Diamond Platnumz, yagizwe umuyobozi ushinzwe kugenzura imitungo ya nyakwigendera Ivan Ssemwanga wahoze ari umugabo we.

Imwe muri iyi mitungo ya Ivan uherutse kugwa mu bitaro byo muri Afurika y’Epfo ni amashuri.

Aya makuru ya New Vision avuga ko hatowe komite y’abantu bane ishinzwe kureberera no guteza imbere imitungo ya Ssemwanga.

Abagize iyi komite ni: Zari Hassan wahose ari umugore bakaba bafitanye abana batatu b’abahungu, Rita Ssemwanga, uvukana na Ivan Ssemwanga, Lawrence Muyanja a.k.a King Lowrence na George Ssemwanga Pinto (mukuru wa nyakwigendera Ivan).

Ibi byemezo byafatiwe mu nama yabereye I Muyenga muri Uganda ku wa gatandatu nimugoroba

Iyi komite yahawe inshingano zo kugenzura no gukurikirana iyo mitungo ya Ivan kugeza igihe abahungu be bagize imyaka 18.

Zari yahawe inshingano zo kugenzura neza amashuri arimo nirya Brooklyn College. Aya mashuri yose aba muri Afurika y’Epfo.

Naho ku bijyanye n’amazu abiri yubatse I Sandton na Pretoria hose muri Afurika y’Epfo, iyo nama yemeje ko Zari agomba gutura muri imwe n’abana Ssemwanga asize mu gihe indi igomba gukodeshwa kugirango ibyare amafaranga azafasha umuryango Ivan assize.

MUHABURA.RW


Tanga igitecyerezo

Amazina
Ubutumwa

Izindi nkuru

Inkuru zikunzwe