Yashyizweho kuri19 May, 2019 | 15:01

Video:Schwarzenegger yakubiswe umugeri w’inyuma ubwo yari muri Afurika y’Epfo

Video yakwiragijwe ku mbuga nkoranyambaga yerekanye icyamamare muri filimi za Hollywood, Arnold Schwarzenegger,aterwa umugeri mu gihe yari mu mikino yamwitiriwe iri kubera muri Afriya Y’Epfo.

Schwarzenegger wanabaye guverineri w’intara ya California muri Leta zunze Ubumwe za Amerika yakubiswe umugeri w’inyuma ubwo yaganiraga n’abakunzi be mu gihe harimo kuba irushanwa ryo gusimba umugozi mu mikino yamwitiriwe,yitwa Arnold Classic Africa.

Uwa wumuteye yerekanwe nawe afashwe amaze kuwumukubita.Naho Schwarzenegger we yashimiye abakunzi be ku myitwarire bagaragaje, ariko ko nta kibazo byamuteye.

Iyo video yakwiragijwe cyane ku mbuga nkoranyambaga yerekana umugabo yasimbukiye kuri Schwarzenegger akamutera umugeri mu gihe yarimo yifotoza n’abakunzi be anifotozanya nabo muri iyo mikino yarimo ibera mu mujyi wa Johannesburg ejo kuwa Gtandatu tariki 18 Gicurasi.

Anyuza kuri Twitter, Schwarzenegger yandikiye abakunzi be barenga miliyoni enye bamukurikirana kuri urwo rubuga agira ati "Nabanje gutekereza ko narimo nsunikwa n’abafana kuko ibyo bibaho inshuro nyinshi. Nagiye kumenya ko nakubiswe, mbonye iyo video nka mwe mwese".

Abategetsi batangaje ko uwo wakoze icyo cyaha yahise atabwa muri yombi na polisi yo muri icyo gihugu.

Uyu mukinnyi azwi nka Terminator cyangwa Commando n’ayandi mazina mu mafilimi yakinnye, yahise asaba abakunzi be ko bashishikazwa n’abarimo kurushanwa iby’uko yakubiswe umugeri bakabyirengagiza.

Yanditse kuri Twitter agira ati "Dufite imkino 90 hano muri Afrika y’Epfo yitiriwe ArnoldSports, ihuza abarushanwa ibihumbi 24 b’imyaka itandukanye n’impano zitandukanye. Reka tubahe icyo cyubahiro".

Iryo rushanwa Arnold Classic Africa rihora riba mu kwezi kwa Gatanu buri mwaka, rikaba rigizwe n’imikino itandukanye, harimo imikino ngorangingo ndetse n’iyo kurwana.

Niyomugabo Albert/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe