Yashyizweho kuri16 November, 2017 | 08:25

Ngomba kwemera kuzaryamana nawe kugira ngo atazabivuga?- Mungire inama

Umugabo wanjye tumaze imyaka irindwi tubana, natangiye kumuca inyuma mu myaka ibiri ishize bitewe n’impamvu nyinshi, zirimo kutabasha kunshimisha no kwiruka mu bakobwa bakiri bato.

Kubera ukuntu nari maze kumufata inshuro zirenga eshatu yasohokanye n’udukobwa byatumye nanjye mfata icyemezo cyo gukundana n’umusore wari umaze iminsi anyirukaho ansaba urukundo.

Mu by’ukuri sindi indaya ariko uwo musore twarakundanye cyane urukundo rwacu rusa nk’aho nta cyerekezo rufite ari urwo kwishimisha gusa.

Twari tumaze igihe dukunda gusohokana tukagenda mu gitondo tukitemberera tukarya ubuzima, nimugoroba tugataha ku buryo umugabo wanjye atarabukwa.

Mu cyumweru gishize nibwo twasohokanye ahantu, turagenda turarya, turanywa, turangije dufata icyumba turaryama turaruhuka, nimugoroba mbere yo gutaha mbanza kujya kwiyuhagira. Nkisohoka nibwo nakubitanye n’umuturanyi nkenyereye igitenge mu mabere bigaragara ko mbyutse ambonye akubitwa n’inkuba ambaza icyo ndi gukora aho, mu gihe ngishaka ibyo mubeshya wa musore dukundana aba arasohotse nawe yiyambariye agakabutura gato. Nahise mpagarara mera nk’ipoto. Uwo muturanyi yahise yumirwa arigendera, ariko ngize amahirwe ntiyabibwira umugabo kandi ni inshuti ye bajya basangira agacupa.

Ariko nyuma yaho uwo muturanyi yaje mu rugo asanga arinjye uhari njyenyine arambwira ngo ngomba kwemera kuzaryamana nawe kugira ngo atazabivuga.

Ubu yampaye umunsi tugomba kuzahurira aho hantu yatubonye, ngo azahansange niteguye ko turyamana ngo naho ubundi ninanga azahita abivuga.

Ubu ndi kwibaza niba nzamwemerera tukaryamana kugira ngo atamvamo, cyangwa niba nzemera gusenya kuko amvuyemo urugo rwanjye rwahita rusenyuka.

Yanditswe na Bakunzi Emile Muhabura.rw


Tanga igitecyerezo

Amazina
Ubutumwa

5 Comments

NIYIBIZI EVARISTE - 2 months ago

TURABAKUNDA CYANE KUBERA AMAKURUMEZA MUTUGEZAHO

- 2 months ago

yewe ntago uwo arumuti biganirize umugabo wawe guhera uyumunsi mutate umwanzuro mwembi naho ubundi???????!

Elie Nshimirimana - 3 months ago

Inama nakugira nuko wabwira umugabo wawe ibibazovyose ufise hama muvane ujye gukora uburaya atawe wikanga!

JOSINE - 3 months ago

Ndumiwe mbese mwagarukiye aho ko Ibihembo byibyaha ari urupfu!hakanira satani kandi usenge ntuzongere

MIKE - 3 months ago

MBEGA UBUSAMBANYI BUKABIJE, MWAKWIHANNYE MUKUBAKA INGO ZANYU KOKO. NGO UMUGABO NTIYAGUSHIMISHAGA?WABWIWE N’IKI KO ATAGUSHIMISHAGA NIBA UTARI USANZWE UJYA AHANDI? ESE UBUNDI NI ICYI CYATUMYE UMUGABO WAWE AGUCA INYUMA?UBWO INTANDARO NTIYABA ARI WOWE WABIMUTEYE? INAMA NAGUHA VA MURI UWO MUKINO URIMO WUBAHE UMUGABO WAWE KDI UMWUBAHISHE UREKE KWIKOZA ISONI NO KUGAYISHA UMUGABO WAWE MURI IZO NSORE SORE. UWO MUTURANYI MUHAKANIRE NASHAKA AZABIVUGE, NTACYO BIZAGUTWARA IMANA IZAGUSHYIGIRA. VA MU BYAHA, REKA IBYAHA WIZERE IMANA GUSA.

Izindi nkuru