Yashyizweho kuri13 October, 2016 | 20:31

Indirimbo Mu Rugamba nayikoze nyitezeho guhindura ubuzima bwa benshi -“HonorableRw”

HonorableRw ni umuhanzi Nyarwanda ukizamuka ndetse ufite umuvuduo udasanzwe mu ndirimbo zitandukanye kuri ubu akaba yakoze indirimbo nshya yitwa “MU RUGAMBA” akaba ahamya ko ari idirimbo izahindura byinshi ku mibereho y’Abanyarwanda.

Aganira na MUHABURA.rw, uyu muhanzi HonarableRw yabwiye Umunyamakuru ko impamvu yamuteye gukora iyi ndirimbo ari uko ku isi by’umwihariko abanyarwanda turi mu rugamba nk’uko duora tubibwirwa n’umukuru w’Igihugu cyacu ati “Nk’uko na Nyakubahwa ahora abitubwira ndetse anabidukangurira kuri iyi si turi mu rugamba by’umwihariko mu Rwanda twe turi mu rugamba rw’iterambere niyo mpamvu nange nashatse kunga mu ry’Umukuru w’igihugu cyacu nkora iyi nirimbo”

Ati “Iyi ndirimbo n’ubwo nayikoze kubw’igitekerezo cyanjye ariko nayikoze nzi neza ko izahindura ubuzima bwa benshi cyane cyane abazabasha kuyumva ndetse no kubona amashusho yayo nteganya gukora vuba aha”

HonorableRw kandi avuga ko kugirano igitekerezo cyo gukora iyi nirimbo cyaje nyuma yo kubona koko ko mu isi turi mu rugamba rutari urw’amasasu gusa ahubwo ibyo dukora byose duharanira kugera kubyiza tubigeraho iyo twatsinze rwa rugamba nyine.

Kanda hano wumve indirimbo “MU RUGAMBA” ya HonorableRw

Yanditswe na Chief Editor/Muhabura.rw


Tanga igitecyerezo

Amazina
Ubutumwa

1 Comment

Mbinigaba honore.. - 5 months ago

ndabakunda
murakoze.

Izindi nkuru

Inkuru zikunzwe