Yashyizweho kuri14 May, 2017 | 08:23

Davido yihakanye umwana we w’imfura bibabaza umugore we wa mbere

David Adedeji Adeleki uzwi cyane mu muziki nka Davido, umuhanzi ukorera muzika mu gihugu cya Nigeria aherutse kwibaruka umwana wa kabiri Hailey wavukiye muri Leta Zunze Ubumwe z’Amerika ku mugore we wa kabiri Amanda, ibintu bitashimishije umugore we wa mbere Ayomide Labinjo na gake.

{}
Uyu Labinjo akaba ashinja Davido ko mu myaka itatu ishize yamuteye inda ubundi akamuta akirengagiza inshingano ze nka se w’umwana. Nubwo Davido we yihakanye umwana ku mugaragaro, Labinjo we ntiyahwemye kumusaba ko bakora ibizami by’amaraso(DNA) hakarebwa koko niba uyu mwana bafite aho bahuriye, igitekero Davido yateye utwatsi.

Mu kiganiro na Saturday Beats, Labinjo yavuze ko atishimiye na gake imyitwarire ya Davido nubwo isi yo imufata nk’igitangaza. Yavuze ko atishimiye uburyo uyu muhanzi yataye umwana we wanyawe akaba ari kwita ku wundi.

Yagize ati “umwavoka wacu yoherereje se wa Davido ibaruwa ku itariki 20/04201, kuva ubwo kugeza ubu nta gisubizo turabona. Mu byukuri ibi ntabwo binshimishije. Ni gute koko nakwishimira uyu musore? Yakagombye kuba yita kuri Mitchell nk’uko yita kuri Imade kandi ndakeka nzi uko iki kibazo azagikemura. Mubyukuri ikosa ryange ni irihe?


Abajijwe niba uko Davido amufata bitaba bifitanye isano n’uko umwana yaba atri uwe, yasubije ko niba ashidikanya we yiteguye gukoresha ibizami by’amaraso kugira ngo akureho urwo rujijo.

Yakomeje agira ati “ushatse kuviga iki? None kuki ataza ngo badufate DNA aho kugira ngo akomeza yihakana umwana muto udafite icyo azi? Kuki se yanze kuvugana n’umunyamategeko? Davido niwe se w’umukobwa wange. Mukuri sinafashwe ku ngufu. Uwanteye inda ndamuzi neza. Niba rero atifuza ko yafatwa amaraso ngo apimwe DNA basi afite abavandimwe. Nibemere bapimwe cyangwa se niba bidashoboka yiyambaze inzira za kera(abafumu) amenye niba koko umwanari uwe cyangwa abeshyerwa. Nge sinitaye kuri uwo unyamerika we. Icyo nshaka nuko yita kuri Mitchell. Kandi turenze kuri ibyo, niwe mfura ye.”

Yanditswe na ZIHIRAMBERE Pacifique/MUHABURA.rw


Tanga igitecyerezo

Amazina
Ubutumwa

Izindi nkuru