Yashyizweho kuri2 April, 2019 | 19:45

Venezuela:Urukiko rukuru rwasabye ko Guaidó wiyise Perezida akurwaho ubudahangarwa

Urukiko rukuru rwa Venezuela rwasabye ko uwo rwita uwurwanya ubutegetsi bw’icyo gihugu, Juan Guaidó, akurwaho ubudahangarwa ahabwa n’uko ari mu nteko ishingamategeko,ibiu bikaba bishobora gutuma afatwa agafungwa.

Iyu mwanzuro urukiko rukuru ruvuga ko Guaidó yokurikiranwa ku cyaha cyo kurenga ku itegeko ryamubuzaga kurenga imipaka y’igihugu agakora urugendo rwamugejeje mu bihugu bya Amerika y’Epfo mu byumweru bishize.

Byitezwe ko umutwe w’ineko ishingamategeko abashyigikiye leta ushyigikira ico kwmezo.

Urukiko rukuru rw’icyo gihugu ruherutse kubuza Guaidó kongera kuyobora ku mwanya we yari afite muri leta mu gihe k’imyaka 15,rurongera kandi rufunga Roberto Marrero uyoboye ibiro bya Guaidó wahagaritswe ashinjwa iterabwoba.

Ku ruhande rwa Guaidó we avuga ko icyo cyemezo kidakurikije amategeko,bityo ngo ntacyo bikaba bisa nk’aho ntacyo bizahindura mu mugambi we wo kweguza akanasimbura Prezida Nicolás Maduro.

Ubwo bimeze gutyo, icyo cyemezo gishyira mu bibazo Guaidó, bikaba byashobora gutuma ahagarikwa.

Leta Zunze Ubumwe za Amerika zikomeza zisaba Leta ya Maduro ko guhagarika cyangwa kubangamira ubuzima bwa Guaidó bishobora kugira ingaruka zikomeye.

Guaidó yitangaje ko ari we mukuru w’igihugu w’agateganyo wa Venezuela mu kwezi kwa Mutarama uyu mwaka wa 2019, akaba yarahise ashyigikirwa n’ibihugu birenga 50 birimo na Amerika.

Ariko Maduro nawe afite ibindi bihugu bikomeye bimushyigikiye nk’Uburusiya n’Ubushinwa, kandi akaba ashyigikiwe n’igisirikare cy’icyo gihugu.

Mu gihe abo bategetsi babiri bahatanira ubuyobozi, abanyagihugu ba Venezuela bari mu bibazo by’ukubura amazi n’amashanyarazi.

Leta ya Venezuela ivuga ko ubwo bucyene bw’amashanyarazi n’amazi ari ingaruka z’imyigaragambyo yateguwe mu rwego rwo gukura Perezida Maduro ku butegetsi.

Abategetsi ba Venezuela batangaza ko bazagabanya amasaha yo gukora ku manywa bagafunga n’amashuri kubera ubucyene bw’amashanyarazi.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru