Yashyizweho kuri5 August, 2019 | 12:07

USA:Wa mugabo warashe abantu akicamo 29 yiciyemo na mushiki we

Mu gihe kitageze ku masaha 24 abantu bagera kuri 29 bishwe barashwe n’abantu bitwaje imbunda babasanze aho bari ari benshi mu mijyi ya El Paso muri Texas na Dayton muri Leta ya Ohio.

Umugabo warashe abantu mu mujyi wa Dayton muri Leta ya Ohio muri Amerika yishe mushiki we n’abandi bantu umunani mu kurasa abantu byamaze amasegonga 30 nk’uko polisi ibivuga.

Polisi yahise itabara ako kanya, itangira kurasa kuri Connor Betts w’imyaka 24 wariho arasa mu bantu, ndetse ashaka no kwinjira mu kabari ahari benshi kurushaho.

Richard Biehl, umuyobozi wa polisi ya Dayton avuga ko iyo uyu mugabo ashobora kwinjira muri aka kabari abantu benshi bari kuhashirira.

Mushiki we, Megan Betts w’imyaka 22 ari mu bishwe n’amasasu yarashe.

Biehl avuga ko uyu mushiki we atari we yarashe mbere ariko ari mu bantu ba mbere yishe.

Kugeza ubu bavuga ko nta mpamvu ziramenyekana zamuteye gukora ibi.

Ibitaro biri hano hafi byakiriye abantu 27 bo kuvura, 15 bahise basezererwa kuko batakomeretse bikomeye.

Urutonde rw’abantu icyenda uyu mugabo yarashe bagapfa;

- Lois Oglesby, umugore w’umwirabura, 27
- Megan Betts, mushiki we, 22
- Saeed Saleh, umugabo w’umwirabura, 38
- Derrick Fudge, umugabo w’umwirabura, 57
- Logan Turner, umugabo w’umuzungu, 30
- Nicholas Cummer, umugabo w’umuzungu, 25
- Thomas McNichols, umugabo w’umwirabura, 25
- Beatrice Warren Curtice, umugore w’umwirabura, 36
- Monica Brickhouse, umugore w’umwirabura, 39
- El Paso hafi y’umupaka na Mexico

Polisi mu mujyi wa El Paso yemeje ko abantu 20 bapfuye abandi 26 bagakomereka barasiwe mu iguriro rya Walmart.

Greg Abbott, guverineri wa leta ya Texas yavuze ko "ubu ari bumwe mu bwicanyi buhitanye benshi mu matekaya Texas".

Umusore w’imyaka 21 yatawe muri yombi akekwaho ubu bwicanyi bwa El Paso.

Ibinyamakuru muri Amerika bivuga ko yitwa Patrick Crusius, usanzwe utuye mu mujyi wa Dallas muri iyi leta.

Polisi ya El Paso ivuga ko saa yine z’igitondo ku wa gatandatu (saa kumi n’imwe i Bujumbura) aribwo yatabajwe.

Umusore w’imyaka 21 niwe wafashwe kandi polisi ivuga ko mu kumufata atarasanye nayo, ni nawe gusa ukekwa kugeza ubu.

Kuwa kabiri w’iki cyumweru uwahoze ari umukozi w’iri guriro rya Walmart yishe bagenzi be babiri bakoranaga ku ishami ry’iri guriro riri muri Mississipi.

Dayton barasiwe imbere y’akabari

Mu bundi bwicanyi busa n’ubwa El Paso, abantu icyenda bapfuye barashwe abandi 16 barakomereka ubwo umuntu witwaje intwari yarasaga mu bantu imbere y’akabari mu mujyi wa Dayton muri leta ya Ohio.

Police ivuga ko byabaye ahagana saa saba z’ijoro rishyira kuri iki cyumweru (saa 6:00 ku isaha y’i Kigali). Uwarasaga nawe yarashwe na polisi ahita agwa aho.

Ibi byabaye hashize hafi amasaha 15 ubwicanyi bwa El Paso bubaye, buhitanye abagera kuri 20.

Matt Carper umupolisi wa Dayton, yabwiye abanyamakuru ko kugeza ubu ntacyo baramenya ku warashe aba bantu ariko bari kubishakisha.

Amashusho ya CCTV yasakaye ku mbuga nkoranyambaga, yerekana abantu biruka bakiza ubuzima bwabo ubwo bumvaga amasasu mu muhanda.

Abantu benshi ku mbuga nkoranyambaga bagaragaje agahinda batewe n’abaguye muri ubu bwicanyi bwombi, n’uburakari batewe n’ikibazo cy’imbunda muri rubanda rwa Amerika.

Beto O’Rourke na Cory Booker, abakandida ku mwanya wa Perezida wa Amerika, batangaje ko hakenewe impinduka zifatika mu kwemera intwaro muri rubanda.

Cory Booker yagize ati "Amerika irasa n’aho yemeye ko ibi [kurasa abantu ikivunge] biba ibintu bisanzwe bibaho buri gihe".

MUHABURA.RW


Tanga igitecyerezo

Ibitekerezo


Tanga igitekerezo


1 Comment

MAJAMBE - 4 months ago

Nibace basaba abacungera umutekano nvamakungu kuko igipolisi cananiwe abagateka kazina muntu ntako kubahirixwe

Izindi nkuru