Yashyizweho kuri7 January, 2017 | 11:48

USA: Ubwicanyi bwa bereye ku Kibuga cy’Indege muri Leta ya Florida

Inyuma y’ubwicanyi bwa bereye ku kibuga cy’indege cya Fort Lauderdale, muri Leta ya Floride, muri Leta Zunze Ubumwe za Amerika, ubwicanyi bwahitanye abantu batanu, n’abandi umunani bagakomereka, kuwa gatanu, Rick Scott, Umuyobozi wa Leta ya Floride yasabye abaturage bose b’Amerika gusengera imiryango yabuze ababo muri ubwo bw’icanyi.

Scott yabwiye abanyamakuru , nyuma y’ubwo bwicanyi ko yavuganye na Donald Trump watowe nk’Umukuru w’Igihugu, hamwe n’icyegera cye Mike Pence, ku bijyanye n’ubwo bwicanyi. Scott avuga ko bamwemereye gukora ibishoboka byose kugirango bafashe mu bikenewe, akavuga kandi ko barimo k iga ku bijyanye n’uburyo ubwo bwicanyi bwagenze.

Abategetsi batangaje ko ubwo bwicanyi bwakozwe n’umwe mubari bafashe urugendo, akaba yari yapakiye imbunda mu mizigo ye. Abashinzwe umutekano batangaza ko uwabikoze yashyizwe ahantu hiherereye, nta mpamvu z’ubwo bwicanyi batanze. Bakavuga kandi ko bataramenya neza nimba cyari igitero cy’abiyahuzi. Ibikorwa byose bikaba byabaye bihagaze kur’icyo kibuga cy’indege.


Abasirikare ku kibuga cy’indege muri Leta ya Florida, muri Amerika, mu gikorwa cyo guhagarika ubwicanyi

Yanditswe na Salongo Richard/Muhabura.rw


Tanga igitecyerezo

Amazina
Ubutumwa

Izindi nkuru