Yashyizweho kuri7 November, 2018 | 09:13

USA:Aba-Demokrates batsindiye imyanya myinshi mu mutwe w’abadepite,ibyago kuri perezida Trump

Imibare itari mike yavuye mu biro bishinzwe amatora muri Leta zunze ubumwe z’Amerika yerekana ko Abademokarate batsinze mu bice bitari bike by’igihugu, ariko nta kizere ko batsinda ku majwi menshi cyane, aho benshi babona ko Trump atari kworoherwa kurangiza manda ebyiri.

Amahirwe y’uko abademokarate bashobora kwigarurira sena asa n’uko ari make nyuma yo gutsindwa muri za Leta nka Indiana na Tennessee, ama Leta Trump yatsinzemo bimworoheye muri 2016.

Imyanya 435 yo mu nteko ishingamategeko niyo irimo irahatanirwa ndetse n’imyanya 35 ku ijana igize sena, hakiyongeraho na ba guverineri batari bacye.

Mu gihugu cyose byagaragaye ko abanyamerika bitabiriye aya matora ku bwinshi nubwo mu ma Leta atari make imvura yazindutse igwa ikagwa umunsi wose.

Perezida Donald Trump ntari mu batorwa. Ariko benshi mu batoye mu gihugu babona ko aya matora ari nka referendumu ku myaka ibiri amaze ku butegetsi.

Ibitekerezo byaturutse mu bantu byerekanye ko abatora mu ishyaka ry’abademokarate bahangayikishijwe n’ikibazo cy’ubuzima bwabo ndetse n’ubukungu, mu gihe ibibazo by’abimukira ari kimwe mu byatumye abarepublikani bitabira amatora ku bwinshi.

Abademokarate bari bakeneye imyanya 23 kugira ngo bigarurire inteko ishangamategeko yari yiganjemo abarepublikani. Abarepublikani bigaragara ko bagumanye Sena.

Ubwiganze bw’aba- Démocrates busobanuye ko bashobora gutangiza amaperereza ku butegetsi bwa Donald Trump, ku bijyanye n’ubucuruzi n’ibindi bitandukanye.

Bashobora kandi no kubangamira imigambi ye ijyanye no gushyiraho amategeko harimo n’uwo kubaka urukuta ku mupaka wa Amerika na Mexique.

Biteganyijwe kandi ko Alexandria Ocasio-Cortez azaba ari we ufite imyaka mike mu nteko ingana na 29, Ilhan OImar na Rashida Tlaib, bakaba banditse amateka yo kuba Abayisilamu ba mbere b’abagore bahagarariye za leta mu Nteko Ishinga Amategeko.

Ilhan OImar ahagarariye Minnesota naho Rashida Tlaib ahagarariye Michigan. Umutinganyi Ms Davids niwe wa mbere mu babyiyemerera uzaba uri mu nteko ahagarariye Kansas. Ayanna Pressley niwe mwirabura wa mbere ugiye guhagararira Massachusetts mu nteko.

Rashida Tlaib (ibumoso) na Ilhan OImar (iburyo) bo mu ishaka ry’abademokrate nibo ba Islamukazi ba mbere mu mateka y’Amerika binjiye mu nteko ishingamategeko Ilhan OImar ahagarariye Minnesota Alexandria Ocasio-Cortez niwe ufite imyaka micye mu nteko ishingamategeko ingana na 29

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru