Yashyizweho kuri21 January, 2020 | 08:32

Urukiko rwafunguye abapolisi bakuru bane baregwaga gushimuta Abanyarwanda

Urukiko rwa gisirikare rwa Makindye muri Uganda ku wa 20 Mutarama 2020 rwafunguye abapolisi bane barimo babiri bakuru bashinjwaga ibyaha birimo kugira uruhare mu gushimuta impunzi z’Abanyarwanda, bakabohereza mu Rwanda.

Nk’uko The New Vision yabitangaje, aba bapolisi bafunguwe [hashingiwe ku byo itegekonshinga riteganyiriza ushinjwa uburiwe ibimenyetso] ni Joel Aguma wahoze ari komanda w’umutwe wa polisi wa PSU (Profesqsional Standard Unit), Herbert Muhangi wari Komanda wa FSU (Flying Squad Unit), James Magada na Amon Kwarisima, bose bari bamaze imyaka irenga muri gereza ya gisirikare ya Makindye.

Ibirego byo gushimuta impunzi z’Abanyarwanda bikaba ni byo byakoze kuri Gen. Kale Kayihura, bituma akurwa ku kuyobora polisi ya Uganda, ndetse anatabwa muri yombi. Ifungwa rya ba Joel Aguma na Spdt. Nickson Agasirwe ndetse n’abandi twavuze haruguru ryabanjirije kweguzwa kwa Gen. Kayihura kuko bari ibyegera bye.

Gen. Kayihura yarezwe ibya Lt. Mutabazi Joel wahoze mu barinda Umukuru w’Igihugu cy’u Rwanda, ikirego u Rwanda rwahakanye, ruvuga ko yafashwe ku bufatanye na polisi ndengamupaka (Interpol).

Hari abandi byavuzwe ko aba bapolisi bakuru bagize uruhare mu ishimutwa ryabo mu Kwakira 2017 gusa ntibatangajwe amazina.

Birashoboka ko ibirego kuri aba bapolisi bakuru byaba kiri mu bituma umubano w’u Rwanda na Uganda utamera neza kuko habayemo kutavuga rumwe kuri iki kibazo. Ifungurwa ryabo ryaba risobanuye ko ibyo baregwaga byavuyeho, ibyo gushimuta impunzi z’Abanyarwanda n’ibindi birimo guha intwaro abatemerewe kuzitunga bikaba byakuweho kuko ubwo byaba bitagifite ishingiro. Yaba ari indi ntambwe iki gihugu giteye nyuma yo kurekura Abanyarwanda 9 byavuzwe ko bari bafunzwe mu buryo budakurikije amategeko, bazira ibyaha batakoze.

Chief editor \Muhabura.rw


Tanga igitecyerezo

Ibitekerezo


Tanga igitekerezo


Izindi nkuru