Yashyizweho kuri3 January, 2017 | 06:13

Urugendo rwa Perezida Francois Hollande rwahuriranye n’igitero cy’umwiyahuzi

Perezida Francois Hollande w’Ubufaransa yatangaje ko Leta ya Kisilamu izakubitwa hasi mu minsi ir’imbere. Ibyo Perezida Hollande yabitangarije m’urugendo rw’umunsi umwe, mu gihugu cya Iraki, urugendo rwahuriranye n’igitero cy’umwiyahuzi cyabereye kw’isoko rikomeye riri mu Mujyi wa Bagdad, gihitana abantu bagera kuri mirongo itatu na babiri.


Mu kiganiro bahaye abanyashamakuru, Haider al-Abadi, Minisitiri w’intebe wa Iraki yavuze ko uwo mwiyahuzi yaje nkuwipfuza gutanga akazi, niko guturitsa amabombe. Perezida Hollande yabonanye kandi na mugenzi we wa Iraki, Perezida Fuad Masum, yongera agendera akarere ka Kurdistani, aho yabonanye n’abategetsi bo mur’ako karere nkuko tubikesha VOA.

Igihugu cy’Ubufaransa kimaze gukora ibitero by’indege bitari bike ku barwanyi ba Leta ya Kisilamu bari muri Iraki na Siriya, ibitero butanya na Amerika. Ubufaransa bumaze gutanga kandi inyigisho n’ibikoresho ku basirikare ba Iraki. Bukaba bufite abasirikare bagera kuri 300 bakorera muri Iraki.

Perezida Francois Hollande w’Ububufaransa, i buryo, muri Iraki

Yanditswe na Eddie Mwerekande/Muhabura.rw


Tanga igitecyerezo

Amazina
Ubutumwa

Izindi nkuru