Yashyizweho kuri14 October, 2018 | 08:16

Umukobwa ukundana na Jacob Zuma yabonye akazi gashya kuri Radio

Nyuma y’uko Nonkanyiso Conco wavuzwe cyane mu rukundo n’uwahoze ari Perezida Jacob Zuma yirukaniwe ku kazi yari afite muri Leta ya Afurika y’Epfo ,noneho yerekeje mu itangazamakuru aho yamaze kugera kuri Radiyo yitwa Vuma FM yo mu gace ka KwaZulu-Natal.

Uyu mugore yageze kuri iyi radiyo mu cyumweru gishize aho azajya akora mu kiganiro kivuga ku bagore.

Aya makuru yemejwe n’Umuyobozi wa gahunda kuri Vuma FM Patrick Bogats aho yavuze ko Conco yakiriwe kuko radiyo yashakaga umunyakuru wifitemo impano mu biganiro bijyanye n’abari n’abategarugori.

Yagize ati “Niwe twabonye ufite impano ikomeye kurusha abandi bari banditse babisaba.Ku gihe cyo kumusinyisha amasezerano yo kudukorera,ntabwo namenye uwo ariwe kugeza ubwo inkuru zikomeje gusakara hose mu bitangazamakuru”.

Madamu Conco yabwiye Sowetan ko yabyishimiye ndetse ko icyo yashakaga ari ukongera ubunararibonye mu mwuga w’itangazamakuru.Yongeraho ko radio ubwayo ariyo yabanje ku mwifuza none ntiyayitenguha kandi nawe abishaka.

Uyu Conco si ubwambere yinjiye mu mwuga w’itangazamakuru kuko mbere yakoraga kuri radio y’abaturage ya Umgungundlovu mu kiganiro cy’urubyiruko cyabaga buri ku wa Gatatu ku mugoroba.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru