Yashyizweho kuri12 March, 2019 | 07:00

Umukambwe Perezida Bouteflika yafashe umwanzuro wo kutiyamamariza manda ya gatanu

Ibiro by’umukuru w’igihugu muri Aljeriya byatangajeje ko perezida Abdelaziz Bouteflika ataziyamariza manda ya gatanu, n’ubwo mu byumwero bishize yatanze ibikenewe ngo yemererwe kwiyamamaza.

Ibi biro kandi byatangaje ko amatora yari kuzaba tariki ya 18 Mata 2019 yigijwe inyuma.

Ikimenyeshamakuru cya Leta cyatangaje kandi ko Bouteflika yagennye mininisitiri w’mumutekano mu gihugu,Noureddine Bedoui mu ku mwanya wa minisitiri w’intebe anamutegeka gushyiraho Leta nshya.

Bedoui agiye kuri uyu mwanya nyuma y’uko Minisitiri w’intebe Ahmed Ouyahia, yasezeye ku mirimo ye kuri uyu wa Mbere tariki 11 Werurwe 2019.

Bouteflika w’imyaka 82 y’amavuko, yagarutse mu gihugu cye ku cyumweru tariki 10 Werurwe 2019,nyuma y’ibyumweru bibiri yari amze i Geneve mu Busuwisi, akorerwa icyo ibiro bye byise gusuzuma ubuzima bwe bisanzwe.Ariko benshi bacyetse ko uwo mukuru w’igihugu amaze igihe kirekire ku butegetsi yaba abangamiwe cyane n’ubuzima.

Kuri ubu Bouteflika ntajya abasha guhagarara kuva mu mwaka wa 2013 aho yatangiye gufatwa n’indwara y’ubwonko.

Mu kugaruka mu gihugu cye Perezida yasanze igihugu kigeze mu cyumweru cya gatatu mu myigaragambyo yamagana kwiyamamaza kwe muri manda ya gatanu.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru