Yashyizweho kuri23 December, 2018 | 13:57

Irani:Umuherwe ukomeye yishwe anyonzwe nyuma yo guhamwa n’ibyaha birimo n’icya ruswa

Umuherwe akomeye cyane mu gihugu cya Irani wari uzwi ku izina rya ’Sultan du bitume’ yishwe anyonzwe kubera ruswa.

Hamidreza Baqeri Darmani yahamwe n’icyaha cyo gukora inyandiko mpimbano zatumye abona Inguzanyo ashyigikiwe na leta.

Yahise akoresha amasosiyete yamuhaye toni zigera kuri miliyoni 3 za godoro ikoreshwa mu gukora imihanda, aha hakaba ari ahantu hinjiza amafaranga menshi muri Irani.

Darmani w’imyaka 49, abaye umuherwe wa gatatu wishwe amanitswe, kuva aho ubutegetsi bufatiye icyemezo cyo guhashya ruswa mu mwaka ushize.

Mu kwezi gushize Irani yanyonze umuntu yakoraga mu bucuruzi bw’amafaranga bita ’Sultan des pièces’, bamusanganye toni ebyiri z’amafaranga ya zahabu.

Ikinyamakuru Mizan ducyesha iyi nkuru cyatangaje ko Darman yagurishije godoro yifashishwa mu kubaka kaburimbo ya miliyoni 100 z’amadolari ($100m) binyuze muri "magendu, inyandiko z’impimbano na ruswa". Yafashwe mu kwezi kwa Kanama mu 2014.

Amakuru y’uko Darmani yishwe yacishijwe kuri televiziyo ya Irani nka filime.

Abanyamakuru bakorera aho muri Irani bavuze ko ubutegetsi bwifuza kwerekana uburyo buhana abasahura umutungo w’igihugu bugeze ahakomeye.

Ubukungu bwa Irani bugeze ahaga, kimwe mu bigaragaza ingaruka yatewe n’ibihano Amerika iheruka gukomeza gufatira iki gihugu.

Niyomugabo Albert/MUHABURA.RW


Tanga igitecyerezo

Amazina
Ubutumwa

1 Comment

Ndayisenga J.Paul - 2 months ago

Komeza Muduha Ayandi Makuru Biradufasha Kumenya Inkuru Tutazi.Muhezagirwe

Izindi nkuru