Yashyizweho kuri30 August, 2019 | 00:34

Umurwayi wari urembye cyane akajyanwa kuri banki kubikuza amafaranga yo kwishyura imiti yitabye Imana

Umugabo witwa John Zabazungu yajyanwe kuri Banki ya Equity yo muri Uganda kubikuza amafaranga yo kwishyura imiti mu gihe banki yari yanze ko umuryango we uyabikuza bituma zahara kugeza Apfuye.Ariko umuryango we ibyo wabifashe nk’ubunyamwuga bucye bw’iki kigo cy’imari.

Zabazungu wari umukire muri kiriye gihugu ngo yari afite konte muri banki ya Equity yafashwe n’indwara y’ibihaha,ubwo umuryango we ubura amafaranga yo kwishyura imiti bagiye kuri banki, ibangira kuyabikuza ngo cyeretse nyiri konti aje.

Umuryango we ubuze uko ubigenza,uramufata umujyana kuri banki ya Equity kubikuza ayo mafaranga yo kwiyishyura kuko banki yari yabangiye kuyabikuza.

Molly Nakato, umwe mu bakobwa be yemeje ko umubyeyi we Zabazungu yapfuye ku cyumweru ku gica munsi aguye mu bitaro bya Mulago.

Ati “Bari batubwiye ko tugomba kureba inzobere zo bitaro bya Mulago kugirango zimuvure ikibazo yari afite mu muhogo mbere y’uko apfa".

Mu kiganiro umuryango we wagiranye n’itangazamakuru washinjije Equity kwanga ko bagira ububasha kuri konti y’umubyeyi wabo bakavuga ko ubuzima bwe bwageze ahabi akarinda naho yitaba Imana bitewe na banki.

Umuhungu we witwa Benjamin yagize ati “Byatumye azahazwa n’indwara y’ibihaha maze bamushyira ahantu hamwongerera umwuka.Kuva ubwo ntitwongeye kumubona kandi ubuzima bwe buba bwarongeye bukazanzamuka".

Ifoto ya Zabazungu yazengurutse ku mbuga nkoranyambaga tariki 12 Kanama 2019,agaragara imbere ya banki afite ikintu kimwongerera umwuka (sonde) yatumye benshi bagaya iyo banki.

Gusa Equity ikimara kubona iyo foto, yahise ihakana ibivugwa n’umuryango ahubwo ivuga ko umuryango wa nyakwigendera wamuzanye kuri banki nubundi yatangiye gushaka uko babafasha kubikuza ayo mafaranga bitarinze ko nyir’ubwite aba ahari.

Nubwo ibyo byose byabaye umuryango we ntiwatangaje indwara nyakuri Zabazungu yari arwaye yanatumye ajyanwa mu bitaro.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


3 Comments

Bizindavyi Pierre - 1 month ago

Abakozi biyo bank bakwiriye kwirukanwa hagahabwa akazi ababikwiye N’ubutungane bukabakorera Dossier ikibiriraho

Bizindavyi Pierre - 1 month ago

Abakozi biyo bank bakwiriye kwirukanwa hagahabwa akazi ababikwiye N’ubutungane bukabakorera Dossier ikibiriraho

Aloys - 1 month ago

ABAKOZI BIYO BANK BAKWIYE GUSHIRWA IMBERE Y’UBUTABERA BAGACYIRWA URUBANZA KUKO AMAKOSA SAYA BANK AHUBWO NAYABAKOZI BAYO ,KUKO BANKI UBWAYO IBIHAKANA.

Izindi nkuru