Yashyizweho kuri19 November, 2018 | 18:01

Uganda yagize ubwoba yikanga ibitero irunda abasirikare benshi ku mupaka

Ingabo nyinshi za Uganda (UPDF) zamaze kugera ku mupaka wa Repubulika Iharanira Demokarasi ya Congo mu rwego rwo guhangana n’inyeshyamba za ADF zaba zarinjiye ku butaka bwa Uganda.

Umuvugizi Wungirije w’igisirikare cya Uganda, Lt Col Deo Akiiki yatangarije Dailymonitor ko uretse kuba ingabo zahageze ku bwinshi, hari n’abandi bashinzwe umutekano bashyizweho bashinzwe kuzenguruka ibyaro byegereye umupaka mu rwego rwo kwirinda ibitero bya ADF, inyeshyamba zirwanya ubutegetsi bwa Uganda.

Ati “ Twamaze gushyiraho amatsinda y’abashinzwe umutekano mu giturage, aba bazanadufasha gukusanya amakuru mu y’ibiri kubera aho bazaba bari.”

Ingabo za Uganda zigabye ku mupaka ku bwinshi nyuma y’aho amakuru y’iperereza avuga ko ADF iyobowe n’umuntu ukomoka mu Karere ka Kasese, Seka Baluku isigaye yinjiza abasore batuye hafi n’umupaka mu gisirikare cyayo.

Abaturage batuhe hafi n’umupaka wa Uganda na DR Congo bavuga ko ADF irimo kwinjiza abantu mu gisirikare cyayo ibavanye muri Uganda na Tanzaniya.

Umwe muri bo yagize ati” Abanyatanzaniya baza muri Uganda bitewe no kubasezeranya ko bazabaha akazi muri Kampala. Iyo bageze Kampala bajyanwa ku mupaka bakinjizwa muri ADF.”

Amakuru ava mu bantu bashinzwe umutekano batashatse ko amazina yabo atangazwa avuga ko abinjira muri ADF bakirirwa ahitwa Bunagana mu Karere ka Kisoro, Mpondwe muri Kasese na Busunga muri Bundibugyo.

Ni mu gihe abantu benshi bakomeje kwibaza ahantu izi nyeshyamba za ADF zaba zikura imbaraga zirimo kugaragaza muri iyi minsi.

Mu cyumweru gishize, izi nyeshyamba zahanganye bikomeye n’ingabo za MONUSCO zifatanyije n’iza Congo, FARDC.

Ababikurikiranira hafi bavuga ko ADF ishobora kuba ifite umuterankunga mu by’imyitozo, amikoro n’ibindi. Ahanini bashingira ku buryo ADF muri iyi minsi irimo kurwana yanumbuye ndetse ikica,igashwiragiza ingabo za Congo na MONUSCO.

Niyomugabo Albert MUhabura.rw


Tanga igitecyerezo

Amazina
Ubutumwa

1 Comment

Bigirimana Berchmans - 4 months ago

Ahaaa ivyakano karere biragoye,ese ubwo afrika yacu nta deni ifitiye iyindi migabane?

Izindi nkuru