Yashyizweho kuri5 March, 2019 | 17:08

Uganda yagize icyo ivuga ku bibazo bitatu by’ingutu byatumye umubano wayo n’u Rwanda uhungabana

Leta ya Uganda yahakanye iby’uko yaba ari indiri y’abahungabanya umuteka w’u Rwanda ndetse no kuba ihohotera abanyarwanda bajya muri icyo gihugu aho yavuze ko ibyo kubafata biterwa n’ubwoba Uganda ifitiye ibitero by’abiyahuzi.

Nyuma y’amasaha make Minisitiri w’ububanyi n’amahanga w’u Rwanda,Dr.Sezibera agiranye ikiganiro n’abanyamakuru kuri uyu wa Kabiri Tariki ya 5 Werurwe 2019,akagaragaza ko hari ibibazo bitatu biri ku isonga mu bituma umubano w’u Rwanda na Uganda uzamba.

Muri ibyo harimo icy’uko hari abanyarwanda berekeza muri Uganda bagatabwa muri yombi ndetse bagakorerwa iyicarubozo no gutotezwa; ikibazo cy’imitwe yitwaje intwaro irwanya Leta y’u Rwanda ifite imigambi yo kugirira nabi u Rwanda ikorera muri Uganda ndetse n’ikijyanye no kwambutsa ibicuruzwa by’u Rwanda binyuze ku butaka bwa Uganda.

Ibi igihugu cya Uganda cyabihakanye kivuye inyuma nk’uko byatangajwe na Minisiteri y’ububanyi n’amahanga y’iki gihugu mu itangazo ryashyizweho umukono na Minisitiri w’ubabanyinamahanga wa Uganda Dr.Sam Kutesa.

Ku kijyanye n’uko Uganda yaba ariyo ndiri y’abarwanya Leta y’u Rwanda,bavuze ko ari ikinyoma kuko ngo iki gihugu nti cyatuma hari umuntu wese wakorera ku butaka bwacyo ahungabanya umutekano w’umuturanyi wacyo.

Mu itangazo hari ahagira hati"Uganda ntiyakemerera uwo ariwe wese gukorera ku butaka bwayo ahungabanya umutekano w’umuturanyi (igihugu) nk’uko bivugwa."

Itangazo rikomeza rivuga ko iki gihugu kizi neza ko iterambere ritagerwaho nta mahoro n’umutekano birangwa mu karere.Bityo ngo niyo mpamvu bazakomeza gutuma habaho ubufatanye bwa hafi bw’ibihugu byo mu karere nka EAC,IGAD,ICGLR ndetse no ku mugabane wose muri rusange.

Ku bijyanye no gufata Abanyarwanda bagakorerwa iyica rubozo n’ibindi bibi,ibi nabyo babihakanye aho bavuze ko Uganda izwi nk’igihugu giha ikaze ku bantu bose baturutse mu bihugu bitandukanye,barimo n’abanyarwanda baza gusura igihugu.

Gusa ngo aba bose baza gusura iki gihugu barimo n’Abanyarwanda, bagomba gukurikiza icyo itegeko rivuga ndetse ko uwunyuranyije naryo abiryozwa hifashishijwe itegeko.

Mu itangazo kandi hari aho batanga igisa nk’impamvu nyamukuru ituma bafata abanyarwanda binjiye muri icyo gihugu cy’uko baba bafite ubwoba bw’ibitero by’abiyahuzi.

Rigira riti"Nk’igihugu kigeze kwibasirwa n’ibitero by’abiyahuzi byahitanye Abashehe (Sheiks),umugenzacyaha mukuru Joan Kagezi,Depite Ibrahim Aberega ndetse n’abandi,ubu twaryamiye amajanja."

Naho ku kibazo cy’uko ubucuruzi hagati y’ibihugu byombi bwagizweho ingaruka,ngo Uganda ni igihugu cy’intangarugero mu karere ari nayo mpamvu yubatse ubucuruzi bwayo n’ibihugu bituranyi birimo n’u Rwanda kubera ko ngo ari ingenzi ku baturage bayo.

Aha bakomeza bavuga ko byaba bibabaje kuba urujya n’uruza rw’ibicuruzwa n’abantu byambukiranya imipaka igabanya ibi bihugu byahagarikwa,kuko ibyo byabangamira ubukungu bwa Uganda n’imibanire yayo n’abaturanyi.

Itangazo risoza rivuga ko u Rwanda na Uganda ari abavandimwe ndetse ko Uganda yiteguye gushaka uko yacyemura ibibazo byose biri hagati yayo n’u Rwanda kugira ngo umubano n’ubufatanye bisugire.


Yanditswe na Habarurema Djamali


Tanga igitecyerezo

Amazina
Ubutumwa

1 Comment

uwimanahappy1@gmail.com - 2 months ago

abahohotewe barahari wenareke kubihakana nka minister bahamagaze abantu bahohotewe babyivugire areke gukina abantu kububabare bafite batewe na uganda ariko uyu munya politike arashaje ashobora kuba atabizi kuko guhakana icyaha kigaragara ahubwo abo bantu bose babashije gucika kwicumu rya uganda nibayitware munkiko bayirege inabavuza ibibazo babateje nahubundi kubihakana ntabwenge burimo inama nabagira aho bafungiwe barahazi ibyo bakorewe birahari nibayirege mbabazwa nokumva dufite abanyamategeko baburanira abahohotewe ariko ugasanga bimeze nkaho ntamategeko akora kubera abantu turi mumuryango umwe ndumva kurega uganda byashoboka Easter Africa nicyo bivuga tubarege byange twabareze murakoze!

Izindi nkuru