Yashyizweho kuri21 November, 2016 | 11:19

Uganda: umuyobozi w’ikigo cy’amashuri yafashe ku ngufu umwana w’imyaka 14 amushukishije Shs500

Mu karere ka Mayuge polisi yafashe Umuyobozi w’ikigo cy’amashuri abanza cya Nato township primary school mu nkengero za Malongo muri aka karere asambanya umwana w’umunyeshuri ufite imyaka 14 wiga ku kigo cy’amashuri abanza abereye umuyobozi.

Ibi bibaye nyuma yuko hari hashize iminsi mike hafashwe undi mwalimu witwa Farouk Kyeyango, afata ku ngufu umwana w’umukobwa wiga mu wa karindwi ubwo yari arangije ikizamini gisoza amashuri abanza mu gihugu cya Uganda, kuri uyu wa gatandatu ushize.

Iki kibazo cyamenyekanye ubwo umubyeyi w’umumama w’umwana yatangarizaga ubuyobozi bukuru ko yabuze umwana we w’umukobwa; yagiye mu gitondo agiye mu kizamini cya Leta gisoza amashuri abanza, none akaba yamutegereje yamuhebye.

James Mubi ni umuvugizi wa polisi mu ntara ya Busoga y’Iburasirazuba, yavuze ko amatangazo atabarika yaciye ku maradiyo y’imiryango, atangaza ko uyu mwana w’umukobwa yamubonye mu rugo rw’umuyobozi w’ishuri asambanywa na diregiteri w’ikigo.

Mubi yagize ati, “twasanze uyu mwana w’umukobwa mu nzu y’uyu muyobozi w’ishuri kandi ibizamini byamukoreweho bitwereka ko yasambanyijwe.”

Uyu mwana w’umukobwa ubwo bari bari burigade ya polisi ya Mayuge yatangarije polisi ko uyu muyobozi w’ishuri batangiye kuryamana kuva igihembwe cya mbere cy’umwaka wa nyuma w’amashuri abanza cyatangira, ariwo wa karindwi barangiza akamuha amafaranga.

Umwana w’umukobwa yagize ati, “yatangiye ampa Shs 500 yo kurya mu gitondo nyuma akajya anjyana iwe mu rugo ari naho yansambanyirizaga, ndetse rimwe na rimwe yanjyanaga Jinja mu butembere bwo kureba ibihingwa.”

Umukobwa avuga ko uyu muyobozi w’ishuri Kyeyango, yamuteye ubwoba amubwira ko naramuka avuze ko baryamana azamwirukana mu ishuri.

Kyeyango yemeye icyaha anagisabira imbabazi ubwo yabwiraga ikinyamakuru Daily Monitor cyo mu gihugu cya Uganda ati, “nibyo koko twagiranye ubushuti turakundana kandi twanakoranye imibonano mpuzabitsina inshuro ebyiri zonyine.”

Yakomeje ati, “ntabwo nigeze nzirikana koi bi bishobora kungeza mu maboko ya polisi, ndasaba imbabazi ko Imana namwe mumfashije nkava hano hantu ntazongera kubikora ukundi.”

Uyu muvugizi wa polisi yavuze ko igenzuru ryamaze kurangira kandi ko nta minsi ishira hatabonetse ikirego cy’umwalimu uregwa ko yafashe umwana w’umukobwa ku ngufu.

Uyu mu mama nyina w’umwana wafashwe ku ngufu avuga ko abavandimwe b’abaturanyi babiketse bakamusura inshuro ebyiri bakamubwira ngo azajyane ikirego mu rukiko akagira ntibindeba.

Polisi ivuga ko ibi birego byo gufatwa ku ngufu basambanya abana batoya bimaze kwiyongera muri Mayuge, ko mu gitabo cya polisi habarurwamo hagati y’ibirego 50 na 60 byo gufatwa ku ngufu bandikamo buri kwezi.

Source: www.monitor.co.ug

Yanditswe na Bizimana Jean Damascene/Muhabura.rw


Tanga igitecyerezo

Amazina
Ubutumwa

Izindi nkuru