Yashyizweho kuri27 July, 2019 | 20:26

Uganda:Umugabo yikubise hasi ahita yitaba Imana arangije imyitozo yo kwinjizwa mu gipolisi cyo mucyaro

Kuri uyu wa Gatanu tariki 26 Nyakanga ubwo abashaka kwinjira mu bashinzwe umutekano mu giturage barimo bakora imyitozo ngora ngingo,umugabo yikubise hasi ahita apfa nyuma y’uko bari bageze aho barangiriza imyitozo mu kibuga cya Apac Boma.

Iyi myitozo ni ngombwa kuri buri muntu ushaka kwinjira muri abo bashinzwe umutekano wo mu giturage.

Umugabo witwa Ronald Obonyo ukomoka mu mudugudu wa Bung B mu gace ka Akot mu mujyi wa Aduku mu karere ka Apac gaherereye mu majyaruguru ya Uganda,ntiyagize amahirwe yo gukomeza imyitozo ikurikira kuko nyuma y’uko yari amaze kwirukanka n’abandi ahantu hangana na kilometero

Umuvugizi w’igisiriakare cya Uganda UPDF,Big.Richard Karemire yemeye aya makuru y’urupfu rw’uwo mugabo anavuga ko yari umwe mu bantu bafite umuhate muri iyo myitozo.

Ati"Nyuma yo kwiruka ibilometero 10, yagarukanye n’abandi bari basigaye mu myitozo basubira aho batangirye ariko bitunguranye yahise yikubita hasi ahita apfa ako kanya nta kintu na kimwe avuze".

Abakoze isuzuma ku cyaba cyateye urupfu rwa Obonyo batanze ibisubizo bigaragaza ko yishwe no kubura umwuka wa ogisijene mu myanya y’ubuhomekero bwo mu mubiri.

Obonyo abaye uwa mbere uguye muri iyi myitozo kuva yatangira gukorwa.

I yi nkuru ya Chimpreports ivuga ko ibihumbi n’ibihumbi binjiye muri iki gikorwa cyo gushaka abinjira muri urwo rwego rw’abashinzwe umutekano mu giturage kugira ngo Uganda bitewe n’umubare w’ibyaha wiyongereye mu gihugu ndetse no kwirinda umutekano mucye uturuka hanze y’igihugu.

JPEG - 24.6 kb
Obonyo yikubise hasi ahita apfa ako kanya nyuma y’uko bari bamaze kwiruaka ahantu hangana na kilometero 10 bageze aho batangiriye ku kibuga cya Apac Boma
JPEG - 32.6 kb
Nyuma bahise bajya gukora isuzuma ngo bamenye icyateye Obonyo guhita apfa ako kanya ntacyo avuze

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru