Yashyizweho kuri19 April, 2019 | 10:37

Uganda:Ubujurire bw’abatavuga rumwe na Leta ku myaka ntarengwa yo kuba Perezida bwatewe utwatsi

Muri Uganda, ejo kuwa Kane, urukiko rw’ikirenga rwaremeje itegeko ryemerera umuntu ugejeje ku myaka 75 y’amavuko cyangwa uyirengeje kwiyamamariza umwanya w’umukuru w’igihugu. Ryemerera Perezida Yoweri Museveni kongera kwiyamamaza mu 2021.

Inteko ishinga amategeko yaritoye mu kwezi kwa 12, 2017. Urukiko rurinda iremezo ry’itegeko nshinga narwo rwaryemeje mu kwa kalindwi 2018. Abatavuga rumwe na Perezida Museveni bajuririye urukiko rw’ikirenga, basaba ko rusesa iri tegeko. Ejo kuwa gatatu, n’acamanza bane bateye utwatsi ubu bujurire. Abandi batatu bababushyigikiye. Bityo itegeko riba riremejwe burundu.

Perezida Museveni afite imyaka 74 y’amavuko. Ari ku butegetsi kuva mu 1986. Yahinduye itegeko nshinga inshuro nyinshi, bituma yiyamamariza kandi atsindira manda ya gatatu, iya kane n’iya gatanu. Mu kwezi kwa kabili gushize, ishyaka rye NRM (National Resistance Mouvement) ryemeje ko ari we kandida uzarihagararira mu matora yo mu 2021.

Yanditswe na Habarurenma Djamali


Tanga igitecyerezo

Amazina
Ubutumwa

Izindi nkuru