Yashyizweho kuri27 May, 2019 | 11:10

Ubwongereza:Mu nteko y’iburayi Ishyaka rishya rya Brexit niryo ryatsinze,conservative rya May mu myanya ya nyuma

Mu Bwongerza ishyaka rishya ’Brexit Party’ ry’umunyapolitiki Nigel Farage niryo rimaze gutsindira imyanya myinshi y’abatorewe guhagararira iki gihugu mu Nteko Ishinga amategeko y’Uburayi.

Amashyaka asanzwe akomeye anahanganye mu bihugu bikomeye yatsinzwe n’amashyaka mashya atamenyerewe arimo n’aharanira kubungabunga ibidukikije.

’Brexit Party’ yarushije imyanya amashyaka y’igigugu ya ’Labour’, na ’Conservatives’ iri ku butegetsi, aya yombi yatsinzwe bikomeye kuko iri rifite ubutegetsi ritaranagira 10% mu majwi.

Nigel Farage uyobora ’Brexit Party’ yavuze ko ’ubu ari ubutumwa bukomeye abaturage bahaye ’aya mashyaka asanzwe akomeye’ mu Bwongereza.

Abaturage b’u Bwongereza muri kamarampaka yabaye mu 2016 batoreye ko igihugu cyabo kiva mu muryango w’ubumwe bw’Uburayi.

Guverinoma yabo ntirabigeraho kuko uburyo ishaka ko igihugu kivamo ariya mashyaka akomeye ntarabwumvikanaho. Ibi nibyo byatumye Theresa May atangaza kwegura kwe mu cyumweru gishyize.

Ubwongereza buhagararirwa n’abadepite 73 mu Nteko y’uburayi, mu matora ubu hamaze gutangazwa 64, muri bo ishyaka rya Farage ryatsindiye imyaka 28.

Rirakurikirwa na Liberal Democrats ubu rifite imyanya 15, Labour imyanya 10 naho ’Conservatives’ ya Theresa May imyanya itatu gusa.

Uduce tumwe tw’Ubwongereza nka Scotland na Ireland ibyavuye mu matora biracyategerejwe.

Ibihugu 28 bigize umuryango w’ubumwe bw’Uburayi byose biri gutora ababihagararira muri iyi nteko ishyiraho amategeko awugenga. Imyanya bigenerwa ishingira ku mubare w’ababituye.

Ubwongereza bwagombye kuba bwaravuye muri uyu muryango w’ibihugu tariki 29 z’ukwezi kwa gatatu ariko kuko butabishoboye bwagombaga kwitabira aya matora nk’uko amategeko abigena.

Mu Bufaransa ishyaka ’Rassemblement National’ rya Marine Le Pen niryo riri imbere muri aya matora n’imyanya 22, naho ’Republique en Marche’ rya Perezida Emmanuel Macron rifite imyanya 21 kugeza ubu.

Mu Bufaransa, ishyaka rya Marine Le Pen, Rassemblement National, niryo riri imbere

Niyomugabo Albert/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru