Yashyizweho kuri26 October, 2016 | 11:11

U Burusiya bwashyize ahagaragara igisasu gifite ubushobozi bwo kurimbura ahantu hangana n’u Rwanda n’u Burundi ubikubye 2

Ni ubwoko bw’ibisasu bwitwa RS-28 Sarmat, Perezida Vladimir Putin ashaka kubikora ku bwinshi ngo bisimbure ibyitwa SS-18 Satan byakozwe mu ntambara y’ubutita mu 1974 u Burusiya bukiri Leta Zunze Ubumwe z’Abasoviyeti.

Ibiro bishinzwe guhanga ibisasu bya kirimbuzi by’u Burusiya, Makeyev Rocket Design Bureau, bivuga ko hazakorwa ibyo bisasu 17, bizarangira kubakwa mu 2018.

Impuguke zemeza ko ibisasu bya RS Sarmat birenze kure ibyasenye Hiroshima na Nagasaki, bikica 129 000 mu ntambara ya kabiri y’Isi.

Umunyamabanga wungirije mu biro bishinzwe gahunda z’ubukungu za USA, Dr Paul Craig Roberts avuga ko mu imbere y’igisasu cya RS Sarmat, ibyatewe i Nagasaki na Hiroshima ari nk’ibikinisho by’abana.

Ikorwa ry’ibi bisasu rije nyuma y’umwuka mubi hagati y’u Burusiya n’Ibihugu byo mu Burengerazuba bw’isi.

Mu minsi ishize iki gihugu cyatangiye guha abaturage bayo imyitozo yo kwirinda mu gihe cy’intambara y’ibisasu bya kirimbuzi n’uburozi.

U Burusiya kandi buteganya kubaka indake munsi y’umujyi wa Moscow, zizaba zishobora kurinda 100 ku ijana abatuye uwo mujyi mu gihe cy’intambara y’ibisasu bya kirimbuzi.

Iki gihugu kirimo kuvugurura intwaro zacyo, cyongeramo izishobora kurasa ku wundi mugabane n’amato agenda munsi y’amazi. Ibi byose u Burusiya bubikora bushaka guhiga ingufu za gisirikare na Leta Zunze Ubumwe za Amerika

Ubwanditsi/Muhabura.rw


Tanga igitecyerezo

Amazina
Ubutumwa

6 Comments

claude Nizeyimana - 4 months ago

amerca niyegere uburusia bumvikane

ntamakemwa jean bosco - 4 months ago

american irabigenza ITE??

ntamakemwa jean bosco - 4 months ago

american irabigenza ITE??

ntamakemwa jean bosco - 4 months ago

american irabigenza ITE??

ntamakemwa jean bosco - 4 months ago

american irabigenza ITE??

theo - 4 months ago

amerika.niyigireyo.uburusiya.buyoborisi

Izindi nkuru