Yashyizweho kuri18 December, 2018 | 10:19

U Burundi na Sudan y’Epfo mu bihugu 17 byakuwe ku rutonde rw’ibihugu byafashwaga na Amerika

Leta Zunze za Amerika zafashe ingamba nshya mu bijyanye n’inkunga yajyaga igenera ibihugu bitandukanye biri mu nzira y’amajyambere, aho itangazo ryashyizwe ahagaragara na Perezida Donald Trump ryagaragaje urutonde rw’ibihugu bitazongera guhabwa iyi mfashanyo birimo nigihugu cy’abaturanyi cy’u Burundi.

Iryo tangazo rikaba rivuga ko ibihugu by’u Burundi, Belarus, Belize, Bolivia, Burmanie, u Bushinwa, Comores, Repubulika iharanira Demokarasi ya Congo, Guinea Equatoriale, Gabon, Iran, Laos, Mauritania, Papua New Guinea, Sudani y’Epfo,Turkmenistan na Venezuela, byakuwe ku rutonde rw’ibihugu bifashwa na Leta Zunze Ubumwe za Amerika.

Iri tangazo ryasohowe kuwa 29 Ugushyingo 2018, rivuga ko imfashanyo ibi bihugu byagenerwaga na Amerika zitazakomeza mu gihe ibi bihugu bizaba bitarajyana n’igihe mu bijyanye no kubahiriza uburenganzira bwa muntu, by’umwihariko ku kijyanye n’icuruzwa ry’abantu.

Umujyanama mu by’umutekano wa Amerika, John Bolton, akaba yatangaje ko ibihugu bya Afurika byatwawe cyane n’icyo yise kuragirwa n’u Bushinwa n’u Burusiya.

Uyu mugabo akaba ashimangira ko Amerika idashobora gukomeza gufasha ibihugu bya Afurika usanga abayobozi babyo ari bo bikungahaza ariko ugasanga abaturage bicira isazi mu maso ubukene bubageze ahabi.

Yanditswe na Habarurema Djamali


Tanga igitecyerezo

Amazina
Ubutumwa

3 Comments

Clovis - 3 months ago

Iyo ngingo yariyo nuko twebw bato tuhavungukira

- 3 months ago

Mu Rwanda ho byifashe bite

Jackso - 3 months ago

Ibitandajishinga Nivyo Nzoryutwo Narinsanzweko

Izindi nkuru