Yashyizweho kuri25 July, 2019 | 14:29

Tuniziya: Perezida Beji Caid Essebsi yitabye Imana

Perezida wa Tuniziya Beji Caid Essebsi yitabye imana kuri uyu wa kane ahagana mu saa yine za mu gitongo, nyuma y’iminsi arwaye.

Perezida yajyanywe igitaraganya kwa muganga ku mugoroba wo ku wa Kane tariki 27 Kamena 2019 nyuma yo kuremba nk’uko byatangajwe n’ubuyobozi bw’igihugu butifuje kugira byinshi bubivugaho.

Ibiro by’Umukuru w’igihugu byatangaje ko Beji Caid Essebsi yitabye Imana mu gihe yari yasubijwe mu bitaro ku wa gatatu.

Saa 10:25 mu gitondo cyo kuri uyu wa kane mu Bitaro bya gisirikare mu gihugu cye cya Tuniziya niho yaguye nk’uko byatangajwe mu itangazo ry’ibiro by’Umukuru w’Igihugu.

Perezida Beji Caid Essebsi w’imyaka 92 y’amavuko ni we Mukuru w’Igihugu ukuze cyane kurusha abandi bari ku butegetsi.

Mu minsi ishize nabwo yari yajyanywe kwa muganga ndetse amakuru yavugaga ko yapfuye ariko biza kwamaganirwa kure na Leta.

Minisitiri w’Intebe wa Tuniziya, Youssef Chahed yavuze ko Umukuru w’igihugu arimo yitabwaho n’abaganga b’inzobere bo mu bitaro bya gisirikare i Tunis.

Ni butumwa yanditse mu rurimi rw’Icyarabu kuri Facebook avuga ko yamusuye mu bitaro ndetse anasaba abantu kureka gukwirakwiza ibihuha ku buzima bwe.

Beji Caid Essebsi yabaye Umukuru w’igihugu mu Majyaruguru ya Afurika nyuma yo gutsinda amatora yo mu 2014 yakurikiye inkubiri y’impinduramatwara mu bihugu by’Abarabu.

Mu ntangiriro z’uyu mwaka, yatangaje ko ataziyamamaza mu matora y’Umukuru w’igihugu muri Tuniziya mu Ugushyingo 2019, avuga ko hakwiye kujyaho abakiri bato bagakomereza aho abandi bagejeje.

Chief Editor/MUHABURA.RW


Tanga igitecyerezo

Ibitekerezo


Tanga igitekerezo


1 Comment

Désiré IRAKOZE - 4 months ago

Igitekerezo
Imana
imwakire

Izindi nkuru